Хуссар Ирыстоны паддзахадон бюджетæй финансон фæрæзтæ хицæн не ‘рцæудзысты Хуссар Ирыстоны президенттæм кандидатты развæлгъау æвзарæн кампанийы тыххæй, – фехъусын кодта Централон æвзарæн къамисы минæвар Цоциты Игорь.
Йæ ныхæстæм гæсгæ паддзахады сæргълæууæджы бынатмæ кандидаттæ сæ развæлгъау æвзарæн кампани хъуамæ уадзой сæхи фæрæзтæй, кæнæ та се спонсорты æххуысы фæрæзтæй.
«Республикæйы Централон æвзарæн къамисы кæнæ Паддзахадон бюджеты æхцайы фæрæзтæй президенттæм кандидатты развæлгъау æвзарæн кампанийæн хицæн не ‘рцæудзæн иу сом дæр», – банысан кодта уый.
Цоциы фырт банысан кодта, президенты бынатмæ кандидаттæн кæй байгом кæндзысты специалон æвзарæн хыгъдтæ, кæцытæм сæ бон суыдзæн сæвæрын æхцайы фæрæзтæ ахынцын сæхицæн кæнæ та се спонсортæн.
«Рес»
Comments are closed, but trackbacks and pingbacks are open.