КАФЕ «ВИНЧЕНЦО» ЛÆГГАД КÆНЫ

Нæ горæты кафе «Vincenso» цалдæр азы размæ куы байгом, уæд фыццаджыдæр, циндзинад æрхаста республикæйы фæсивæдæн. Уыдоны фæндыд, цæмæй сын фылдæр гæнæнтæ уыдаид сæ сæрибар рæстæг арвитынæн фæрæзтæ уыдысты 5 милуан сомы, иннæ фæрæзтæ та бахаста Инвестицион агентад. Проект среализаци кæныны руаджы фæзынд 30 кусæгон бынаты. ««Vincenso» цыбыр рæстæгмæ. Проекты аргъ уыд 38 милуан сомы, уыдонæй ивесторы хисæрмагонд финансон ссис канд фæсивæды нæ, фæлæ бинонты уарзон улæфæн бынат, цыран ис æппæт уавæртæ дæр баулæфынæн, алы кары адæймæгтæн дæр. Фыццаг уæладзыджы ис сабитæ хъæлдзæгæй сæ гуырæнбонтæ кæм банысан кæной æмæ аргъæутты персонажтимæ кæм ахъазой, ахæм зал. Дыккаг æмæ æртыккаг уæладзгуыты сты хистæр кар адæймæгты дæлбар.

Кафейы æрвылхатт дæр вæййы фæтк. Ам кусыны уавæртæ ис æвзонг фæсивæдæн дæр. Хистæркъласонтæ æмæ студент фæсивæдæн кафейы сæргълæууæг Уалыты Альберт бар дæтты сæрдыгон каникулты «Vincenso»-йы бакусынæн, цæмæй сентябры мæймæ сæхи бакуыстгонд фæрæзтæй дарæсæй сæхи сифтонг кæной. «Ныр дыккаг аз сæрды улæфтыты рæстæджы бакусын ацы кафейы. Райдиан мæ ныййарджыты нæ фæндыд, цæмæй мæ кусынмæ ауадзой, фæлæ куы федтой, куыстмæ æнæзивæгæй цæуын, нæ фæллайын, уæд та мæ дыккаг аз дæр рауагътой. Кафейы кусджытæ иууылдæр сты æнгом, хистæртæ æххуыс кæнынц кæстæртæн. Исты къуыхцытæ куы æруадзæм кæстæртæ, уæддæр уадид нæ фарсмæ æрбалæууы кафейы сæргълæууæг. Уæлдай тынгдæр нæ домы уазджытæм фæлмæн ахаст дарын», – зæгъы Цхуырбаты Линæ.

«Æз дæн Мæскуыйы паддзахадон университеты экономикæйы факультеты студент. Коронавирусæй хи бахъахъхъæныны тыххæй ивгъуыд аз æмæ ныр дæр мæ ахуыры фылдæр хай цыд дистанцион системæмæ гæсгæ. Æз сфæнд кодтон искуы бакусын, цæмæй ахуырæй сæрибар рæстæг иуран ма бадон. Куыстагур бацыдтæн «Vincenso»-мæ æмæ мæ уадид куыстмæ айстой. Мæ дистанцион ахуыры рæстæг-иу куы æрцыд, уæд иу мæ ме ‘мбæлттæй исчи фæивта. Нæ хистæр зыдта, афтæ кæй кæнæм, фæлæ нæ азымы никуы дардта. Уый хыгъд ма мæ разæнгард дæр кодта, зæгъгæ, куысты тыххæй дæхи ахуырæй ма фæип-пæрд кæн. Ныр мæн сентябры ацæуын хъæуы мæ институтмæ, фæлæ та карантин куы райдайа, уæд ахиздзæн дистанцион ахуыры системæмæ æмæ уыцы иурæстæг кæндзынæн кусгæ дæр», – зæгъы Мæргъиты Олеся.

УАЗÆГТЫ Марфа