ИВЫНДЗИНÆДТÆ, НОГДЗИНÆДТÆ, ÆХХУЫСЫ ФÆРÆЗТÆ

Республикæ Хуссар Ирыстоны Хицауады Сæрдар Бекъойты Геннадийы сæрдариуæгадæй уыд Хицауады рабадт, цыран æруынаффæ кодтой 14 сæйраг æмæ уæлæмхасæн фарстыл.

Министрты кабинет æмхъæлæсæй райста «Æвджидау æмæ æвджидарты тыххæй» закъоны проект.

Æнæниздзинад хъахъхъæнын æмæ социалон рæзты министр Наниты Сослан банысан кодта, зæгъгæ, закъоны проекты нысан у ацы фадыджы барадон ахастытæн нормативон фæтк æрæвæрын æмæ сæ фæхуыздæр кæнын, йæ уагæвæрдты та хынцыд æрцыдысты нырыккон реалитæ æмæ домæнтæ, æвджидаутæ æмæ æвджидартæ кæй хъæуы, ахæм æмбæстæгты интерестæ.

Афтæ ма ивындзинæдтæ хаст æрцыд «Республикæ Хуссар Ирыстоны социалон-экономикон рæзтæн ахъазгæнæг инвестицион программæйы фæлгæтты паддзахадон æххуысы тыххæй, Республикæ Хуссар Ирыстоны территорийыл цы инвестицион проекттæ реализаци цæуынц, уыдоны æвзарыны фæткыл», кæцы фидар æрцыд 2016 азы 3 октябры Республикæ Хуссар Ирыстоны Хицауады Уынаффæйæ.

Хицауады Сæрдары хæдивæг – Экономикон рæзты министр Тадтаты Дзамболат банысан кодта, зæгъгæ, Уынаффæйы проект здæхт у Республикæ Хуссар Ирыстоны территорийыл инвестицион архайд фæхуыздæр кæнынмæ.

«Проект фæкъаддæр кæндзæн паддзахадон къуыхцытæй тасдзинад, æмæ паддзахады раз инвесторты бæрндзинад фæбæрзонддæр кæндзæн», – банысан кодта Тадтаты Дзамболат.

Рабадты рæстæджы сфидар кодтой 2021 азы II кварталы цæрыны минимум.

Уынаффæйы проектмæ гæсгæ, иу адæймагæн цæрыны минимум 2021 азы II кварталы у 12411 сомы, социалон-демографион къордтæм гæсгæ: куыстхъом цæрджытæн – 13242 сомы; пенсионертæн – 10066 сомы; сывæллæттæн – 13262 сомы.

Уыйразмæ кварталы æвдисæнтæм гæсгæ цæрыны минимум иу адæймагæн фæфылдæр ис 404 сомы (3,36%); куыстхъом цæрджытæн – 300 сомы (2, 32%); пенсионертæн – 260 сомы (2, 65%); сывæллæттæн – 266 сомы (2, 05%).

Нымæцтæ фæбæрзонддæр кæнын нысан кæны, фæлхасадон товарты аргъ кæй фæфылдæр ис, уый.

Рабадты æруынаффæ æмæ сфидар кодтой 2022 азы Республикæ Хуссар Ирыстоны мониторингы планы барадонæй спайда кæнгæйæ, афтæ ма райстой дæлзакъонон акттæ паддзахадон службæйы тыххæй закъонмæ, кæцытæ бæрæг кæнынц паддзахадон службæгæнджыты куысты мызд сæ куысты азтæм гæсгæ.

Ивындзинæдтæ хаст æрцыдысты «2021 азы Республикæ Хуссар Ирыстоны Паддзахадон бюджеты тыххæй» закъонмæ, кæцы æнæмæнгхъæуæг у 2021 азы 19 марты æмæ 2021 азы 9 июлы Республикæ Хуссар Ирыстон æмæ Уæрæсейы Федерацийы ‘хсæн социалон-экономикон æмгуыстады фæдыл Æхсæнхицауадон къамисы æмсæрдæртты уынаффæйы æнæмæнгхъæуындзинадæн æмæ 2021 азы Республикæ Хуссар Ирыстоны Паддзахадон бюджеты хардзон æмæ æфтиагон хайы корректировкæтæн, афтæ ма фидаргонд бюджетон ассигнациты фæлгæтты хæрдзты здæхтыты ‘хсæн раст адих кæнынæн.

Рабадты рæстæджы «Республикæ Хуссар Ирыстоны Пенсион фонд» ивд æрцыд «Республикæ Хуссар Ирыстоны социалон фонд»-мæ.

Министрты кабинеты уынаффæйæ Хицауады резервон фондæй хицæн æрцыд æхцайы фæрæзтæ фæлхасгæнджыты бартæ æмæ адæймаджы фæрныгад хъахъхъæныны фадыгмæ цæстдарды фæдыл комитеты кусджытæн бафыстытæн 449 000 сомы коронавирусы пандемийы рæстæджы уæлдай ахсджиаг куыстытæн.

Финансты министры хæдивæг Тыбылты Маринæйы ныхæстæм гæсгæ, уынаффæйы проекты хынцыд цæуы коронавирусон инфекци COVID-19 ма апарахт кæныны тæссагдзинады фæдыл республикæйы санитарон-эпидемиологон æдасдзинад сифтонг кæныны тыххæй уæлдай ахсджиаг куыстытæ сæххæст кæныны тыххæй социалон бафыстытæ Паддзахадон бюджетон уагдон «Гигиенæ æмæ эпидемиологийы центры» медицинон кусджытæн бафидын, кæцытæ æххæст кæнынц лабораторон басгæрстытæ, бæрæг кæнынц, 2021 азы март-июны коронавирусон инфекци COVID-19-æй рынчынтæ æмæ рынчынтимæ  контакттæ кæмæн уыд,  уыцы адæмы.