Фембæлд Алексей Миллеримæ

Республикæ Хуссар Ирыстоны Президент Бибылты Анатоли æмæ ПАО «Газпром»-ы правленийы сæрдар Алексей Миллер уынаффæ кодтой Хуссар Ирыстоны газификацийы фарстатыл. Фембæлд уагъд æрцыд Петербурджы дунеон экономикон форумы фæлгæтты.

Бибылты Анатоли бузныджы ныхæстæ загъта Алексей Миллерæн Хуссар Ирыстонмæ ахæм хъусдар кæй дары æмæ радзырдта РХИ-йы æмæ УФ-йы хицауадты ‘хсæн «Гом акционерон æхсæнад «Газпром-Южная Осетия»-йы дарддæры архайды æмæ акцитæ æлхæнын-уæй кæныны уавæрты тыххæй» цы сразыдзинадыл къухтæ æрфыстой, уый тыххæй.

«Фæнды мæ бузныджы ныхæстæ дын зæгъон, Алексей Барисы фырт. Сразыдзинадыл къухтæ æрфыстой дæ хайадистæй. Сразыдзинады проекты куыстæуыд бирæ рæстæджы дæргъы, фæлæ ныр мах йæ реализаци кæнынмæ цæттæ стæм. Æз цалдæр мæйы размæ бахæс кодтон, цæмæй бацæттæ кæной бындур,  инвентаризаци ауадзой, документтæ саразой. Æмæ ацы куыст уагъд æрцыд газдихгæнæн ситемæйы 90 объекты», – загъта Президент.

Алексей Миллер, йæхи ‘рдыгæй, загъта, зæгъгæ, Хуссар Ирыстонмæ «Газпром»-ы инвестицитæ сæ бавæрд бахæсдзысты республикæйы экономикæйы рæзтмæ.

Фембæлды ма хайад райста «Газпром»-ы правленийы сæрдары хæдивæг Валерий Голубев.

Ацы æрмæджытæ дæр бакæс:

Хуссар Ирыстон-Луганск: Æмгуыстад æмæ хæлардзинады фæндагыл Хуссар Ирыстон – Республикæ Арцах БИБЫЛТЫ Анатоли: «Газпром» цæттæ у Хуссар Ирыстоны территорийыл газы хæххыты арæзтадæн финанстæ радтынмæ» Ныхас – Республикæйы газификацийы тыххæй Тыбылты Леонид фембæлд «Газпром»-ы Правленийы Сæрдар Алексей Миллеримæ