РеспубликæХуссар Ирыстоны Президент Бибылты Анатоли фембæлд акционерон æхсæнады «Газпром»-ы правленийы Сæрдар Алексей Миллеримæ.
Дыууæ фарсы уынаффæ кодтой Республикæ Хуссар Ирыстоны газификацийы фарстатыл.
Къухыбафтгæ бадзырдтæм гæсгæ Республикæ Хуссар Ирыстоны Хицауад æмæ акционерон æхсæнад «Газпром»-ы ‘хсæн арæзт æрцæудзæн Сразыдзинад.
«Мах баныхас кодтам уый тыххæй, зæгъгæ, Хуссар Ирыстоны территорийы хъæуы æрдзон газæй сифтонг кæнын. Уый тыххæй ацы аз цæттæ æрцæудзæн хъæуæг документаци, сентябры РХИ-йы Хицауад йæ къух бафысдзæн «Газпром»-имæ Сразыдзинадыл æмæ республикæйы газификацийы хъуыддаг райдайдзæн фидæн азæй», – фембæлды фæстæ загъта Бибылты Анатоли.
Уый куыд бамбарын кодта, афтæмæй «Газпром» цæттæ у Хуссар Ирыстоны территорийыл газы хызæджы арæзтадæн 2,5 мииллиард сомæй фылдæр фи-нанстæ рахицæн кæнынмæ.
Бибылты Анатоли æмæ Алексей Миллер уынаффæ кодтой тарифон политикæйыл дæр.
Хуссар Ирыстоны Президент банысан кодта, зæгъгæ, газы аргъыл схæцдзысты Цæгат Ирыстоны аргъы онг, уымæй дæр æвиппайды нæ, фæлæ цадæг-гай, Хуссар Ирыстоны куыстмыздтæ Цæгат Кавказы федералон зылды мыздты астæуккаг æмвæзады онг фылдæр кæнынимæ параллелонæй.
Развæлгъау бæрæггæнæнтæм гæсгæ республикæйы районты газификаци кæнынæн бахъæудзæн афæдз æмæ æрдæджы бæрц рæстæг.
Ныртæккæ Хуссар Ирыстоны æрдзон газæй ифтонг у республикæйы сæйраг горæт Цхинвал. Газ республикæмæ цæуы магистралон газуадзæн «Дзуарыхъæу-Цхинвал»-ыл.
Республикæ Хуссар Ирыстоны
Президенты официалон сайт
Comments are closed, but trackbacks and pingbacks are open.