Знауыры районы цæрæнуатон-коммуналон хæдзарады кусджытæ цалцæг кæнынц Дзагъинайы хъæумæ фæндаг, – хъусын кæны «Рес»-æн районы администрацийы цæрæнуатон-коммуналон хæдзарады директоры хæдивæг Сиукъаты Джемал.
Йæ ныхæстæм гæсгæ, ма цалцæг цæуынц хъæуæн йæхи мидæг уынгтæ дæр.
Уый банысан кодта, зæгъгæ, цæрæнуатон-коммуналон хæдзарады кусджытæ план кæнынц Нагутни, Метех æмæ æндæр хъæутæм фæндæгты арæзтадмæ æрæвналын дæр.
Сиукъайы фырт радзырдта, зæгъгæ, сæм цы техникæ ис, уый арæх фехæлы, уымæн æмæ базæронд. «Тырнæм æввахсдæр æмгъуыдты сæвзæргæ цухдзинæдтæ аиуварс кæнын, æмæ дарддæр нæ разылæууæг хæстæ æххæст кæнын», – йæ ныхасмæ бафтыдта Сиукъайы фырт.
Цæрæнуатон-коммуналон хæдзарады директоры хæдивæг ныфс бавæрдта, зæгъгæ, Знауыры районы хъæутæм фæндæгты гъæд фæхуыздæр кæныны тыххæй куыст дарддæр дæр цæудзæн.
