Президент Гаглойты Алан Контролон-нымайæн палатæйы коллективы базонгæ кодта ног къухдариуæггæнæг – Плиты Алымбег æмæ йæ хæдивæг Томайты Спартакимæ.
Уый размæ Республикæ Хуссар Ирыстоны Парламент хорзыл банымадтой Президенты бавдисгæ Плиты Алымбег æмæ Томайты Спартакы кандидатурæтæ.
Гаглойты Алан банысан кодта Плиты Алымбеджы профессионалон æмæ хъуыддагон миниуджытæ æмæ ныфс бавæрдта, куысты гъæд кæй фæхуыздæр уыдзæн.
«Плиты Алымбег æндæр æмæ æндæр азты куыста уæлдæр паддзахадон бынæтты, уыд Парламенты фыццаг æрсидты депутат æмæ алы ран дæр йæхи равдыста бæрнон æмæ цæсгомджын кусæгæй. Цахæмфæнды коллективы дæр æнæмæнгхъæуæг у хорз, æууæнкджын атмосферæ аразын, æмæ мæ ныфс ис, дæуæн уый кæй бантыстдзæн. Ведомствойы кусджытæм хатын ахæм куырдиатимæ, цæмæй æрбангом уой æмæ ног къухдариуæггæнæгæн æппæтварсон æххуыс кæной. Ныфс уын æвæрын, къухдариуæгады æрдыгæй æнæмæнгхъæуæг æххуыс кæй уыдзæн», – загъта уый.
Президент Контролон-нымайæн палатæйы ног сæргълæууæгæн, афтæ ма æппæт коллективæн Президенты цæст бауарзта куысты æнтыстытæ.
Плиты Алымбег, йæ рады, бузныг загъта Президентæн ахæм æууæнчы тыххæй æмæ ныфс бавæрдта, коллективимæ иумæ уыдон кæй скъуыддзаг кæндзысты сæ разылæууæг хæстæ.
«Мах æппæт тыхтæ ратдзыстæм, цæмæй Контролон-нымайæн палатæ куса республикæйы закъондæттынадмæ гæсгæ. Ныфс мæ ис, мах кæй равдисдзыстæм куысты æвæрццаг фæстиуæг», – загъта уый.
