Сæрмагонд æфсæддон операцийы хайадисæг ирон хæстонтæн стыр æххуыс кæныц нæ горæты ахуырдзау фæсивæд. Акци «Подари тепло солдату»-йы хайад исы 6-æм астæуккаг скъола дæр. Акцийы хайадисджытæн сæ хæс у блиндажон цырæгътæ саразын. Акъоппы кæнæ блиндажы цырагъ фæсудзы 17 сахаты онг.
Ацы идейæ тынг фæцыд скъоладзауты зæрдæмæ. Æрмæст пайдахæссæгыл æй нæ нымайынц, фæлæ ма кадджын хъуыддагыл дæр. Уымæн æмæ ахæм цырæгътæ аразгæйæ, уыдон сæ хайбавæрд хæссынц сæрмагонд æфсæддон операцийы хайадисджытæн баххуыс кæнынмæ. Хæстонты ныхæстæм гæсгæ сын уыдон æрмæст рухс кæнынæн не ‘ххуыс кæнынц, фæлæ ма сæ къухтæ ахъарм кæнынæн дæр.
5-æм къласы ахуыргæнинаг Уалыты Аслан йæ ныййарджытимæ ныридæгæн сарæзта аст цырагъы. Йæ ныхæстæм гæсгæ уыдон сты тынг æнцон аразæн. «Мах иу цырагъ аразыныл бахъæуæм бæрцæй цалдæр минуты, фæлæ æфсæддонтæн та стыр пайда хæссынц. Уымæ гæсгæ сæ аразынæй исын стыр æхцондзинад», зæгъы Аслан.
Æмæ, æцæгдæр, цырагъ аразынæн сæйраг у згъæрæй банкæ. Уым тымбыл тыхтæй нывæрынц хъæбæр гæххæтт (картон). Уый фæстæ йыл ныккæнын хъæуы парафин, кæцыйы развæлгъау хъæуы стæвд кæнын.
Сæрмагонд æфсæддон операцийы хæстонтæн нæ чысыл æххуыс фæахъаз уыдзæн уæлахиз тагъд рæстæджы нæ къухты бафтын кæнынæн. Хæстонтæн æххуыс кæнгæйæ, мах, фыццаджыдæр. кæнæм хæларзæрдæдæр.
Нæ уацх.
Ацы æрмæджытæ дæр бакæс:
«Сымах стут нæ рæстæджы хъайтартæ»: Гаглойты Алан СВО-йы зонæйы фембæлд ирон хæстонтимæ
Гаглойты Алан: «Ацы монетæ балхæнгæйæ, алы æмбæстаг дæр йæ бавæрд бахæсдзæн иумæйаг хъуыддагмæ»
Æхсӕнадон организаци ӕрӕвнӕлдта йӕ хӕстӕ æххæст кæнынмæ
Æрымысыдысты хæсты фæмардуæвджыты рухс нæмттæ
Фæлтæрæй-фæлтæрмæ нæ кæны рох…
