Президент Бибылты Анатоли раарфæ кодта Паддзахадон академион Маринаг театры Аивадон къухдариуæггæнæг – директор Гергиты Валерийæн йæ райгуырæн боны цытæн.
Арфæйы телы дзырдæуы:
«Цытджын Валери Абысалы фырт!
Айс иууыл зæрдиагдæр арфæтæ дæ райгуырæн боны цытæн, æмæ иууыл хуыздæр фæндиæгтæ.
Ацы бон у дæ курдиатæн табугæнджытæн егъау бæрæгбон, æппæт уыдонæн, чи дæ уарзы æмæ дын чи аргъ кæны, куыд стыр дирижер, дунеон нисаниуæджы адæймаг æмæ уыимæ иумæ йæ адæмы æцæг патриот. Зынгæ Маринаг театр дæ къухдариуæгады рæстæгæй ныры онг дæр ис дунейы хуыздæр музыкалон коллективты нымæцы, дæ диссаджы энергийы фæрцы.
Курдиат, энерги, æхсæнадон æмæ хæрзаудæн архайды фæрцы, ды дæ нырыккон музыкалон аивады зынгæ адæймаг. Ныфс мæ ис, дарддæр дæр дын бирæ ног сфæлдыстадон æнтыстытæ æмæ уæлахизтæ кæй уыдзæн.
Хуссар Ирыстоны адæмæн ды дæ æввахс адæймаг, дæ ном та ссис уæздандзинад, хæрзаудындзинад æмæ æмбæстагон хæстыл æнувыддзинады символ.
Зынаргъ маэстро, ацы нысаниуæгджын боны цытæн дын бузныджы ныхæстæ зæгъын аивадæн дæ лæггады тыххæй, мæ зæрдæ дын зæгъы фидар æнæниздзинад, бирæ азты дæргъы сфæлдыстадон куыстхъомдзинад æмæ æвидигæ энерги».
Comments are closed, but trackbacks and pingbacks are open.