19-æм июлы «Мегафон-Хуссар Ирыстоны» банысан кодта йæ бæрæгбон, уый у иунæг сотон оператор 19 азы дæргъы лæггад кæны нæ республикæйы абоненттæн.
«Мах активонæй кусæм нæ клиенттимæ бастдзинадыл. Уый тыххæй нын алы социалон хызæджы дæр ис нæхи фарс. Нæ клиенттæй исты фарст кæмæ сæвзæры, уыдоны бон у, уыцы фарсы банысан кæнын йæ зæгъинаг. Нæ оператор цæттæ у чысыл рæстæгмæ абоненты проблемæ сбæрæг кæнын æмæ йын йæ домæнтыл бакусынмæ. Уымæй дарддæр ма дæрддзæф хъæуты мах бабæрæг кæнæм, ацæргæ абонентты. Бынаты сæ базонгæ кæнæм бастдзинады ногæй цы æрцыд æмæ сын æнцонвадатдæр кæцы у, уыцы мадзæлттимæ».
Бежанты Заринæйы ныхæстæм гæсгæ ахæм фембæлдтыты руаджы рабæрæг вæййы абоненттæ «Мегафон-Хуссар Ирыстон»-ы ивддзинæдтимæ бынтондæр зонгæ кæй нæ вæййынц. Арæх фæхъаст кæнынц сæ хыгъдæй æхцайы фæрæзтæ кæй сæфы, фæлæ сын мах сæ смартфонтæм куы бахизæм, уæд рабæрæг вæййы, æнæрхъуыдыйæ интернет-магазинтæм кæй бахизынц. Æцæг, кæддæр нæ бастдзинады фæзынд системон къуылымпыдзинад, фæлæ куыддæр згъуыдтытæ аиуварс сты, афтæ æхцатæ фæстæмæ раздæхтам алы клиентæн дæр. Цалдæр азы размæ уыд ахæм цау дæр æмæ компанийы цалдæр æдзæсгом кусæджы аххосæй телефоны хыгъдтæй сæфтысты æхцатæ. Фæлæ мах фыдгæнджыты сбæрæг кодтам æмæ сæ къухдариуæгад бынæт-тæй ссæрибар кодта.
«Мегафон-Хуссар Ирыстон» æмдзу кæны рæстæджы цыдимæ. Арæх сæм æрцæуы Мегаполисы домæнтæм гæсгæ ивындзинæдтæ, уый клиенты ‘хсæн расайы æнæразыдзинад. Ног пакетон линейкæты мидис вæййы уый мидæг, цæмæй абоненттæн æнцондæр балхæнæн уа иууон пакет. Йæ фæрцы уыцы иу рæстæг ис телефонæй ныхас кæнын æмæ интернетæй пайда кæнын. Уыцы опцитæ иунæджытæй æлхæнынæй бирæ асламдæр сты.
Бежанты Заринæ ма куыд зæгъы, афтæмæй «Мегафон Хуссар Ирыстон»-ы компани активон куыст кæны хæрзаудæн фадыджы дæр. Спортивон командæтæ егъау ерысты хайад райсынц, сæ офис сын цы æхцайы фæрæзтæ рахицæн кæны, уыдон руаджы.
УАЗÆГТЫ Марфа
