Республикон ветеринарон лабораторийы кусджытæ сæ квалификаци фæбæрзонддæр кæныны тыххæй дыууæ къуырийы æмгъуыдмæ æрвыст æрцыдысты Краснодары крайы Крапоткины ветеринарон лабораторимæ.
Сæ разы цы сæйрагдæр хæс лæууы, уый у иммуноферментон анализ аразæн ифтонггæрзтыл сахуыр кæнын.
Уымæй дарддæр ма уыдон сахуыр кæндзысты алыгъуызон серологион иртасæнтæ. Банысан кæнын ма хъæуы уый дæр æмæ уымæйразмæ Хуссар Ирыстонмæ кусæгон балцы æрцыд Крапоткины крайон лабораторийы директор Олег Черных. Уый азылд республикон ветеринарон лабораторийы хатæнтыл, ифтонггæрзтыл æмæ йæ кусджытæн бакодта методикон æмæ консультативон æххуыс ног æвæрд иммунонферментон анализ аразæн ифтонггæрзтыл кусгæйæ.
БЕСТАУТЫ Валя
