Республикæ Хуссар Ирыстоны Хицауады Сæрдары хæстæ æххæстгæнæг Бекъойты Геннади фембæлд Æнæниздзинад хъахъхъæнын æмæ социалон рæзты министры хæстæ æххæстгæнæг Тотчиты Георгиимæ.
Фембæлды хайад райстой Æнæниздзинад хъахъхъæнын æмæ социалон рæзты министры хæдивæг Сиукъаты Наирæ, Финансты министрады минæвæрттæ æмæ æндæр официалон адæймæгтæ.
Банысангонд куыд æрцыд, афтæмæй республикæйы социалон системæйы модернизаци уагъд цæуы æртæ этапæй: 2020 азы июны мæйæ декабры мæймæ æмæ здæхт у бавдисгæ лæггæдты гъæд фæхуыздæр кæнынæн.
«Республикæйы социалон фадыджы рæзты план бæрæг кæны мадзæлттæ, кæцытæ здæхт сты цæрджыты социалон æгъдауæй бахъахъхъæнын æмæ æфтиаджы стабилон рæзтæн уавæртæ саразынмæ. Республикæйы социалон политикæ здæхт у объективон аххосæгтæм гæсгæ зын цардуагон уавæрты цы адæм бахаудысты, уыдоны эффективон æххуысæн, афтæ ма æмбæстæгты сæрмагонд уавæртæ, сæхицæн æмæ сæ бинонтæн стабилон социалон уавæртæ саразынæн», – банысан кодта Бекъойты Геннади.
Социалон фадыджы рæзты планмæ хауынц ахæм мадзæлттæ, куыд нормативон-барадон базæ фæхуыздæр кæнын, социалон фæдзæхсты фонд саразын, фонды бюджеты проект саразын, афтæ ма кусджыты индивидуалон хыгъды иумæйаг системæ саразын.
Comments are closed, but trackbacks and pingbacks are open.