Уынаффæ цыдис социалон-экономикон рæзты фарстатыл

РХИ-йы Хицауады хæстæ æххæст-гæнæг Бекъойты Геннадийы сæрдариуæгадæй уагъд æрцыдис Хицауады рабадт, цыран уынаффæ цыдис фидæны азы социалон-экономикон фарстатыл.

Рабадты раныхас кодта финансты ми-нистры хæстæ æххæстгæнæг Хæбæлаты Азæ. Уый банысан кодта, зæгъгæ, 2021 азы Хуссар Ирыстонæн финансон æххуыс дарддæр цæудзæн сфидаргонд бюджетон ассигнациты фæлгæтты æмæ сæ фæкъаддæр кæныныл дзырд дæр нæй. Уыимæ ма куыд загъта, афтæмæй Уæрæсейы паддзахадон бюджеты афтæхуыйнæг «æнæхъахъхъæд» статьятæ, кæцытæм хауы Хуссар Ирыстон æмæ Абхазы социалон-экономикон рæзтæн ахъазгæнæг Инвестпрограммæмæ, къаддæр кæнынц 10 проценты. 2021 азæн Инвестпрограммæ афтæмæй уыдзæн 150 милуан сомы.

2021 азæн республикæйы социалон-экономикон рæзтæн прогнозтæ æмæ плæнтты тыххæй дзургæйæ, экономикон рæзты министры хæдивæг Тадтаты Дзамболат фехъусын кодта, зæгъгæ, рес-публикæйы продукцийы иумиаг рауагъды гуырахст ацы аз январæй сентябрмæ уыдис 4 007 422,5 мин сомы. Æмæ уый та 5,02 проценты фылдæр у ивгъуыд азы, уыцы рæстæгимæ. Ацы бæрæггæнæн 2021 азы уыдзæн къаддæр – 5 проценты, бандавдзæнис ыл коронавирусы пандеми.

2021 азы республикæйы Хицауад дарддæр цы фыццаградон хæстыл кусдзæн, уыдон æхсæн сты æгуыстдзинады æмвæзад фæкъаддæр кæнын, ахуырадон æмæ медицинон лæггæдтæ бæрзонддæр кæнын, цæрджыты æнæниздзинад бæрзонддæр кæнын, горæт Цхинвалы нуазыны донæй æнæкъуылымпыйæ ифтонг кæнын, цæрджыты цæрæнуатæй ифтонг кæнын, царды æмвæзад бæрзонддæр кæнын, фæндагон инфраструктурæ, экологион ситуацийы уавæр хуыздæр кæнын, республикæйы  электроэнергийæ æнæкъуылымпыйæ ифтонг кæнын, чысыл æмæ астæуккаг амалиуæгад рæзын кæнын æмæ æндæртæ.

Бекъойты Геннади куыд банысан кодта, афтæмæй 2021 азы реализаци кæнын райдайдзысты ахæм ахсджиаг проекттæ, куыд резервон электроадæттæн хахх Ру-къы тъунелыл, кæцыйы руаджы республикæ æнæкъуылымпыйæ ифтонг цæу-дзæн электроэнергийæ. Афтæ ма æххæст цæудзысты  къорд æндæр ахсджиаг инвестицион проекттæ.

Республикæйы социалон-экономикон рæзты хæстæ скъуыддзаг кæныны сæй-рагдæр програмон-нысанмæздæхт ме-ханизмыл, бюджеты гæнæнтæ хынцгæйæ, экономикон рæзты министрад банымадта 2021 азæн социалон-экономикон рæзты план, кæцыйы фæлгæтты нысан цæуы, æхсæнадон нысаниуæг кæмæн ис, ахæм проекттæ реализаци кæнын, уæлдайдæр та, социалон, инженерон инфраструктурæты рæзтмæ здæхт чи сты, афтæ ма районты социалон рæзты диспропорцитæ фæкъаддæр кæнын, амалиуæгадон активондзинад фæбæрзонддæр кæнын, экологи æмæ демографи фæхуыздæр кæнынæн уавæртæ саразын, афтæ ма цæрджыты культурон æмæ монон-хæрзæгъдауон потенциал фæхуыздæр кæ-нын.

Республикæйы финансты министрады зонæнтæм гæсгæ 2021 азæн республикæйы бюджет у 7 737 676,1 мин сомы. Уыдонæй социалон-экономикон рæзтæн хицæн æрцæудзæн 6 387 676,1 мин  сомы, 2021 азы социалон-экономикон рæзтæн ахъазгæнæг Инвестицион программæ реализаци кæнынæн та -1 350000,0 мин сомы.

Рабадты рæстæджы ма æркастæуыд «2021 азæн Республикæ Хуссар Ирыстоны бюджеты тыххæй» Республикæ Хуссар Ирыстоны Закъоны проектмæ 3 æмæ 4-æм уæлæмхасæнты ног редакцийы тыххæй» Республикæ Хуссар Ирыстоны Хицауады барамынды проектмæ.

Хæбæлаты Азæ куыд банысан кодта, афтæмæй бюджетмæ уæлæмхасæнты коррекци кæныны æнæмæнгхъæуындзинад баст у Хуссар Ирыстон æмæ Уæрæсейы æхсæн социалон-экономикон æмгуыстады фæдыл Æхсæнхицауадон къамисы æмсæрдæртты 2020 азы 16 декабры райсгæ уынаффæимæ, цыран фæбæлвырддæр кодтой 2020-2022 азтæн Инвестпрограммæйы объектты номхыгъд æмæ сæ финанскæныны гуырахсттæ.

Рабадты ма райстæуыд барамынд, Хи-цауады резервон фондæй финансон фæрæзтæ 2 228 350 сомы рахицæн кæнын, коронавирусон инфекци ковид-19 апарахаты рæстæджы æмбæстæгтæн æххуыс кæныны хайад чи исынц, уыцы медицинон æмæ æндæр кусджытæн, разæнгардгæнæн бафыстыты тыххæй.

Нæ уацх.