Республикæ Хуссар Ирыстоны Хицауады Сæрдары хæстæ æххæстгæнæг Бекъойты Геннади Æнæниздзинад хъахъхъæныны æмæ социалон рæзты министры хæстæ æххæстгæнæг Тотчиты Георги æмæ Юстицийы министры хæстæ æххæстгæнæг Лалыты Зæлинæ æмæ, министрадтæ æмæ ведомствоты æндæр къухдариуæггæнджытимæ ауагъта æмбырд республикæйы социалон хъахъхъæнынады системæйы рæзты фарстыты фæдыл.
«Президенты бахæсмæ гæсгæ Хицауады куыст цæуы социалон æмæ пенсион фæдзæхсты системæ саразыны фæдыл, кæцы æмбæстæгтæн сараздзæн стабилон социалон уавæртæ. Реализаци цæуы мадзæлтты план, кæцымæ гæсгæ арæзт цæуы ног нормативон-барадон базæ, хаст цæуынц ивындзинæдтæ архайгæ закъонмæ», – банысан кодта Бекъойты Геннади.
Социалон фадыджы рæзты планы ис ахæм мадзæлттæ, куыд социалон фæдзæхсты фонд, бюджеты фонд, кусджыты персоналы хыгъды иугонд системæ саразын, сывæллæттæ кæмæн ис, уыцы æмбæстæгтæн паддзахадон фиддонты фæдыл, куыстуаты æнамонд цаутæ æмæ сæрмагонд професситимæ баст низтæй æнæмæнгхъæуæг социалон фæдзæхсты закъоныл бакусын, рæстæгмæ æгуыстдзинады æмæ маддзинады фæдыл, æмæ æндæртæ.
Куыд банысанчындæуыд, афтæмæй, республикæйы социалон системæйы модернизаци уагъд цæуы æртæ этапы 2020 азы июны мæйæ æмæ здæхт у бакæнгæ социалон лæггæдты гъæд фæбæрзонддæр кæнынмæ. Зæрдыл лæууын кæнæм, Республикæ Хуссар Ирыстон Уæрæсейы æххуысæй кæй аразы æнæмæнгхъæуæг социалон æмæ пенсион фæдзæхсты системæ УФ-йы æмæ РХИ-йы ‘хсæн æмцæдисад æмæ иитеграцийы фæдыл Бадзырдмæ гæсгæ.
Ацы æрмæджытæ дæр бакæс:
СÆЙРАГДÆР ХÆСТÆЙ СÆ ИУ – СОЦИАЛОН ИФТОНГАДЫ СИСТЕМÆ ХУЫЗДÆР КÆНЫН
СОЦИАЛОН ФÆДЗÆХСТАДЫ СИСТЕМÆЙЫ ОРГАНИЗАЦИ ХУЫЗДÆР КÆНГÆЙÆ
ФÆДЗÆХСТАДЫ СИСТЕМÆ ХЪУАМÆ КУСА ÆНÆКЪУЫЛЫМПЫЙÆ
Пенсион ифтонгады системæ дарддæр дæр лæггад кæндзæн пенсиисджытæн
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
Comments are closed, but trackbacks and pingbacks are open.