Хуссар Ирыстоны Паддзахадон æдасдзинады комитет сиды республикæйы цæрджытæм, цæмæй цырддзаст уой, Гуырдзыстоны вазыгджын æхсæнадон-политикон уавæр кæй ис, уый тыххæй.
«Гуырдзыстоны вазыгджын æхсæнатон-политикон уавæр æмæ арæнты æдасдзинадмæ актуалон æртхъирæнтæ хынцгæйæ, кæцытæ здæхт сты æндыгъддзинады эскалацимæ æмæ фæсарæйнаг паддзахадты официалон структурæты тыхты æмæ иу къорд фæсарæйнаг æхсæнадон организациты руаджы алыгъуызон провокацитæ аразынмæ, сидæм Хуссар Ирыстоны æмбæстæгтæм, цæмæй цырддзаст уой», – хъусын кæны Паддзахадон æдасдзинады комитет.
Паддзахадон æдасдзинады комитет сæрмагонд хъусдард аздæхта, Хуссар Ирыстоны хицауиуæгады органты æмæ управленийы куыст, афтæ ма æдасдзинады иумиаг контур аразыны фæдыл нæ республикæйы къухдариуæгад Уæрæсейы Федерациимæ иумæ цы политикæ уадзы, уыдон дискредитацийы нысанæн æнæсанкцион публикон æмæ æхсæнадон акцитæ аразын ма бауадзынмæ.
«Æхсæнады раз хисæрмагонд хъуыды зæгъынимæ баст гоймаджы базæйон барты реализаци, афтæ ма алыгъуызон æмбæстагон акцитæ сорганизацигæнæн ис, æрмæстдæр, Республикæ Хуссар Ирыстоны территрийыл архайæг уголовон æмæ административон закъондæттынады фæлгæтты, цæмæй æхсæнадон-политикон æдасдзинад хъахъхъæд цæуа, уый тыххæй», – дзырдæуы ведомствойы хъусынгæнинаджы.
