Хайад райстой цæрæн комплекс байгом кæныны
Знон нæ республикæмæ кусæгон балцы æрцыд уæрæсейаг делегаци, йæ сæргъ УФ-йы Хицауады Сæрдары хæдивæг Александр Новак, афтæмæй, цæмæй хайад райсой РХИ-æмæ УФ-йы ‘хсæн социалон-экономикон æмгуыстады фæдыл Æхсæнхицауадон къамисы рабадты.
Делегацийы сконды сты УФ-йы экономикон рæзты министры хæдивæг Дмитри Вольвач, фæсарæйнаг бæстæтимæ æхсæнрегионалон æмæ культурон бастдзинæдты фæдыл Уæрæсейы президент управленийы хистæр Игорь Маслов æмæ Федералон таможнæйон службæйы къухдариуæггæнæджы хæдивæг Владимир Ивин.
Цхинвалмæ æрцæугæйæ уал делегацийы уæнгтæ хайад райстой ног цæрæн комплекс байгом кæныны церемонийы. Ирæтты уынджы æртæ 75 фатерон корпусы арæзт æрцыдысты 2021-2022 азтæн республикæйы социалон-экономикон рæзтæн ахъазгæнæг Инвестицион программæйы фæлгæтты.
«Æз фыццаг хатт дæн Хуссар Ирыстоны æмæ уый у, æцæгæйдæр, диссаджы бæстæ. Абон байгом кодтам республикæйы рæзты программæ реализаци кæныны фæлгæтты арæзт чи æрцыд, уыцы цæрæн комплекс æмæ æппæт уыдæттæ та арæзт цæуынц адæмæн. Арфæ уын кæнын иууылдæр ацы цауы фæдыл», – загъта Новак.
РХИ-йы Хицауады Сæрдар Джуссойты Константин йæ коллегæтæн раарфæ кодта се ‘рцыды тыххæй æмæ сын радзырдта, цæрæнуатон арæзтады фæдыл Инвестпрограммæ куыд æххæст цæуы, уый тыххæй.
Ацы æрмæджытæ дæр бакæс:
ИС НЫН, ЦЫ ХЪУЫДЫ КÆНÆМ ÆМÆ КÆЙ ХЪУЫДЫ КÆНÆМ…
Хуссар Ирыстоны делегаци – Петербурджы дунеон экономикон форумы
Балц – æфсымæрон Абхазы национ бæрæгбонмæ
Тыбылты Леонид: «Куыд Президент, афтæ æз мæ мисси уынын Уæрæсеимæ ахастытæ фидардæр æмæ рæзын кæныны»
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
