Республикæ Хуссар Ирыстоны Паддзахадон æдасдзинады комитет катай кæны гуырдзиаг фарсæрдыгæй æнæпилотон тæхæн аппараттæй пайда кæныны цаутæ кæй сарæх сты, уый тыххæй.
Бæлвырддæрæй та, 18-æм майы æмæ 3-æм июны цæрæн пункт Уисты районы хуссарирыстойнаг арæны ‘рдæм æрбатахтысты дыууæ «квадрокоптер»-ы. Дыууæ хатт дæр æнæ пилотон тæхæн аппараттæ гуымир æгъдауæй фехæлдтой Хуссар Ирыстоны уæлдæфон тыгъдад, республикæйы территоримæ 150 метры кæй батахтысты, уымæй. Комитеты бæрæггæнæнтæм гæсгæ, банысангонд уæлдæфон фæрæзтæй пайда кæны гуырдзиаг фарс арæнгæрон территорийы развæдсгæрсты нысанæн. Уыцы-иу рæстæджы Гуырдзыстоны хъахъхъæнынады, мидхъуыддæгты министрадты, Паддзахадон æдасдзинады службæйы тыхты арсеналы ис хæстон æнæпилотонтæ дæр, кæцытæн сæ бон у хæссой хæстон æмæ рæмудзæн æрмæджытæ, уый фæстиуæгæн Паддзахадон æдасдзинады комитет уыцы реалондзинадмæ кæсы куыд æртхъирæнты фактор, афтæ, кæцыйæн йæ бон у арæнгæрон районы æндыгъддзинады эскалацимæ æркæнын. Конфликты аххосæгтæй иу, гæнæн ис, уа иуæй-иу гуырдзиаг æмбæстагон активистты æмæ журналистты æнæпрофессионалон архайд. Амæйразмæ арæнгæрæтты хос чи карста, уыцы хуссарирыстойнаг арæнхъахъхъæнджыты, гуырдзиаг ÆХО-йы змæлды лидер Д. Кацарава схуыдта Уæрæсейы Федерацийы Хъахъхъæнынады министрады Хуссайраг æфсæддон округы раззагон хæйттæ, Ленингоры районы Орчъосаны цæрæн пункты уæвæг хурын батарейтимæ стационарон цæстдарæн посты та рахуыдта «радиоэлектронон развæдсгæрсты центр».
Уыцы-иу рæстæджы арæнгæрон цæрæг гуырдзиæгтæ нысан кæнынц Кацаравайы эффективондзинады æмвæзад кæй æрныллæг, уый, кæцы раздæр бирæ рæстæджы дæргъы фыста арæн-гæрон уавæры тыххæй æмæ Гуырдзыстоны æмбæс-тæгтæн информаци лæвæрдта бынаты хуссарирыстойнаг-гуырдзиаг паддзахадон арæны тыххæй, уымæй æххуыс кодта Хуссар Ирыстоны арæн-хъахъхъæнæг органтæн. Сæрмагондæй та Паддзахадон æдасдзинады комитетмæ бацыд ахæм инфор-маци, зæгъгæ, Диди Хурвалетийы хъæуы цæр-джытæ бахъаст кодтой Гуры муниципалон администрацимæ, цæмæй сын сæ хъæумæ мауал уадзой «Тых – иудзинады»-йы змæлды фарсхæцджыты. Æмбæстæгтæ сæ хъасты дзурынц, зæгъгæ, Гуыр-дзыстоны арæнгæрон территорийы арæнгæрон хаххыл æндыгъддзинад кæй рæзы, уымæн ахъаз у ацы змæлды активондзинад.
Уымæ гæсгæ, Паддзахадон æдасдзинады комитет Тбилисы режимæн рекомендаци кæны, цæмæй ноджы иу хатт сахуыр кæной уавæр. Арæнгæрон уавæрæн анализ скæной æмæ æвæрццаг здæхты сæ хъуыды зæгъой паддзахадон арæны хаххы дыууæфарсон делимитаци æмæ демаркацийы фарстатæм хауæг хуссарирыстойнаг фарсы инициативæты тыххæй æмæ саразой йæ хъахъхъæныны æмбæлон режим, куыд Хуссар Ирыстоны фарс-æрдыгæй, афтæ Гуырдзыстоны фарсæрдыгæй дæр.
Comments are closed, but trackbacks and pingbacks are open.