Хуссар Ирыстон æмæ Абхазы республикæйы Культурæйы министртæ Зæгъойты Рада æмæ Даур Кове телефоны ныхасгæнгæйæ, уынаффæ кодтой культурæйы фадыджы фарстытыл.
РХИ-йы Культурæйы министрады пресс-службæ куыд хъусын кæны, уымæ гæсгæ дыууæ министры æруынаффæ кодтой æмгуыстады фарстыты уæрæх спектрыл. «Дыууæфарсон æмгуыстады здæхты пълæнтты сты дыууæ æфсымæрон бæстæйы хореографион коллективты гастролтæ. Афтæ ма дыууæ фарсы бадзырдтой культурæ æмæ аивады къабазы дарддæры æмгуыстад сфидардæр кæныны фæдыл активонæй дæр æмархайд кæныныл. Дыууæ бæстæйы министрты бадзырдмæ гæсгæ, марты мæйы фыццаг Хуссар Ирыстонмæ хъуамæ фæуазæг уа Абхазы кафт æмæ зарды паддзахадон ансамбль. Уымæй дарддæр ма куыст цæуы Галаты Барисы номыл кафт æмæ зарды паддзахадон ансамбль «Симд»-ы гастролты фарсты тыххæй Абхазмæ, афтæ ма кæрæдзимæ культурон мадзæлттимæ цæуын æмæ дыууæ республикæйы театрты гастролтæ организаци кæнын дæр», – банысан кодтой пресс-службæйы.
