Мастер-класс – æмгуыстады пайдайæн

30-æм марты уагъд æрцыд Хъырымы Республикæ æмæ Республикæ Хуссар Ирыстоны ‘хсæн социалон æмгуыстады фæлгæтты иумæйаг мадзал мастер-класс «Хуссар Ирыстоны æмæ Республикæ Абхазимæ æмгуыстады рæзт: товартæ æмæ лæггæдты экспорт» видеоконференцийы форматы, кæцы организаци æрцыд Экспортæн æххуыс кæныны Хуссайраг регионалон центр Хъырымы Республикæйы Экономикон рæзты министрады хъæппæрисæй.

 

Хъырымаг фарсæрдыгæй мадзалы хайад райстой: Экономикон рæзты министры фыццаг хæдивæг Анушаван Агаджанян, «Республикæ Хъырымы базарадон-сæудæджерадон палатæйы» цæдисы президент Сергей Диюк, Хъы-рымы Республикæйы экспортæн æх-хуыс кæныны Хуссайраг регионалон центры директоры хæстæ æххæстгæ-нæг Ксения Слуцкая, кæцы у мадзалы модератор.

Хуссарирыстойнаг æмæ абхазаг фарсæрдыгæй: Æддагэкономикон бастдзинæдты управленийы  æмæ Экономикон рæзты инвестицион архайды хистæры хæстæ æххæстгæнæг Хуыбылты Екатеринæ, Уæрæсейы Федерацийы Республикæ Хуссар Ирыстоны Базарадон минæвар Таймураз Гогинов, Республикæ Хуссар Ирыстоны Базарадон-сæудæджерадон палатæйы вице-президент Джыгкайты Вахтанг, Республикæ Абхазы Уæрæсейы Федерацийы минæвар Владимир Некрасов.

Мадзалы рæстæджы бакуыстгонд æрцыд хъырымаг æмæ хуссарирыстойнаг экпортерты домæнтыл Уæрæсейы Хуссар Ирыстон æмæ Республикæ Абхазы базарадон минæвæрттимæ.

Хæлцадон сæудæджерады, IT-сферæ, туристон бизнес, цардуагон хими æмæ косметикæйы амалиуæггæнджыты минæвæрттæ бавдыстой базарадон минæвæрттæ æмæ потенциалон партнертæн сæ продукци æмæ лæггæдтæ. Афтæ ма амалиуæггæнджытæ райстой практикон уынаффæтæ æмæ комментаритæ бизнес уадзыны фæдыл эксперттæй.

Мадзалы фæлгæтты уынаффæ æрцыд бафтаугæ аргъмæ хъалоны ахасты дывæр хъалонифтонгад аиуварс кæныны фарстыл, Абхаз æмæ Хуссар Ирыстоны территорийыл фæлхасгæнджыты товарты дистрибуцийы эффективон системæ саразыны тыххæй.

Таймураз Гогинов загъта, зæгъгæ, цæттæ  стæм Республикæ Хуссар Ирыс-тон æмæ Уæрæсейы Федерацийы ‘хсæн интеграцион экономикон процесстæ сактивизаци кæнынмæ, уыцы нымæцы – Хъырымы Республикæимæ.