Бæрæг куыд у, афтæмæй 6-8 июны Санкт-Петербурджы уагъд цыдис дунеон экономикон форум. Ацы форум уагъд цæуы 1997 азæй фæстæмæ, 2004 азæй та йæ уадзынц Уæрæсейы Федерацийы Президенты патронатæй æмæ хайадистæй. Форум у хъуыддагон къордты минæвæртты кæрæдзиимæ ныхасы æмæ Уæрæсейы рæзгæ базæртты æмæ æппæт дунейы раз цы ахсджиаг экономикон фарстатæ лæууы, уыдоныл уынаффæ кæныны фæзуат.
Ацы форуммæ ацыд Республикæ Хуссар Ирыстоны делегаци дæр Хицауады Сæрдар Пухаты Эрикы сæргълæудæй.
Форуммæ ацæуыны хæдразмæ уал хуссарирыстойнаг делегацийы уæнгтæ бацыдысты Беслæны «Зæдты горæтмæ» æмæ дидинджытæ сæвæрдтой Беслæны теракты фæмардуæвджыты мемориалон комплексыл.
«Мах хæсджын стæм, цæмæй ацы æбуалгъы, æнæадæймагон фыдракæнды амæттæгты рухс нæмттæ æнустæм ма ферох кæнæм. Зæдты горæт у, цæмæй ахæм трагедитæ макуыуал æрцæуой, уый тыххæй æнустæм зæрдыл дарыны цырт», – мадзалы рæстæджы загъта Пухаты Эрик.
Мемораилон комплексыл дидинджытæ æвæрыны церемонийы хайад райстой делегацийы уæнгтæ – РХИ-йы Хицауады Сæрдары хæдивæг, экономикон рæзты министр Бекъойты Геннади æмæ финансты министр Хæбæлаты Азæ.
Уый фæстæ делегаци ацыд Санкт-Петербургмæ.
Петербурджы Æхсæнадæмон экономикон форум-2019-ы фæл-гæтты Хицауады Сæрдар Пухаты Эрик фембæлд Уæрæсейы Федерацийы Куыст æмæ социалон рæзты министрады сæргълæууæг Максим Топилинимæ. Фембæлды рæстæджы уыдон уынаффæ кодтой Республикæ Хуссар Ирыстоны социалон рæзты фарстатыл, уыцы нымæцы куыстмыздтæ фæ-фылдæр кæныны фарстыл дæр.
«Фембæлды рæстæджы мах уынаффæ кодтам æмфинанс-кæнынады фарстатыл, Уæрæсейы Федерацийы фæрæзты хыгъдæй Хуссар Ирыстоны паддзахадон æмæ муниципалон уагдæтты кусджыты куыстмыздтæ Цæгат Кавказы федералон зылды æнгæс куыстуæты куыстмыздты æмвæзадмæ схизын кæныны тыххæй», – банысан кодта Пухаты Эрик, фембæлды темæйæн комментари аразгæйæ.
Фыццаг бон Петербурджы Дунеон экономикон форум-2019-ы кусгæйæ, Хуссар Ирыстоны делегаци хайад райстой форумы пленарон рабадты, афтæ ма йын къорд фембæлдтытæ уыд хæларадон бæстæты æмæ хъуыддагон æмхæларады минæвæрттимæ.
***
Петербурджы Дунеон экономикон форум-2019-ы фæзуатыл Республикæ Хуссар Ирыстоны Хицауады Сæрдар Пухаты Эрик фем-бæлд Цæгат Кавказы хъуыддæгты фæдыл Уæрæсейы Федерацийы министр Сергей Чеботаревимæ дæр.
Фембæлды хайад райстой Уæрæсейы Федерацийы Республикæ Хуссар Ирыстоны Уæлвæткон æмæ æххæстбарджын минæвар Гасситы Знауыр, РХИ-йы экономикон рæзты министр Бекъойты Геннади æмæ финансты министр Хæбæлаты Азæ.
Фембæлды рæстæджы дыууæ фарсы уынаффæ кодтой Республикæ Хуссар Ирыстон æмæ Уæрæсейы Федерацийы ‘хсæн æм-гуысткæнынады фарстатыл, уыцы нымæцы 2019 азы Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийы фарстатыл дæр.
***
Петербурджы дунеон экономикон форум – 2019-ы фæзуаты фембæлдысты хуссарирыстойнаг æмæ сирийаг делегацитæ. Фем-бæлды рæстæджы уынаффæ кодтой Сири æмæ Хуссар Ирыстоны ‘хсæн бирæфарсон æмгуыстады фарстытыл. «Абоны фембæлдæн йæ нысан у Сири æмæ Хуссар Ирыстоны экономикон рæзты министрадты ‘хсæн 2019 азы апрелы мæйы Ялтайы дунеон экономикон форумы къухтæ фыст цы ба-дзырдыл æрцыдысты, уый реализаци адарддæр кæнын. Уынаффæ кодтам базарадон-экономикон æмæ культурон æмгуыстады фæдыл æхсæнхицауадон къамис, афтæ ма Цхинвал æмæ Дамаскы консулон уагдæттæ æмæ базарадон хæдзæрттæ саразыны фарстытыл», – фембæлдæн комментаритæ сарæзта РХИ-йы Хицауады Сæрдары хæдивæг – экономикон рæзты министр Бекъойты Геннади.
Уæрæсейы Сирийаг Арабаг Республикæйы Уæлвæткон æмæ æххæстбарджын минæвар Рияд Хаддад банысан кодта дыууæварсон æмгуыстады ахсджиагдзинад æмæ сирийаг адæмы номæй арфæйы ныхæстæ загъта Президент Бибылты Анатолийæн Сиримæ ахасты хæларадон фарс-хæцынады тыххæй.
Сирийы экономикæ æмæ базарады министр Мухаммед Самир Халиль РХИ-йы Президент Бибылты Анатолийы фæхуыдта равдыстмæ, кæцы уыдзæн 28-æм августы Дамаскы.
Республикæ Хуссар Ирыстоны Хицауады пресс-службæ
Comments are closed, but trackbacks and pingbacks are open.