Республикæ Хуссар Ирыстоны Президент Бибылты Анатоли фембæлд Севастополы губернаторы хæстæ рæстæгмæ æххæстгæнæг Михаил Развожаевимæ.
Фембæлды рæстæджы æруынаффæ кодтой базарадон-экономикон, зонадон-техникон, культурон, гуманитарон æмæ социалон фадгуыты иумæйаг проекттыл, афтæ ма Хуссар Ирыстоны æмæ Севастополы ‘хсæн æмгуыстады фæдыл сразыдзинадыл къухтæ æрфыссыны тыххæй.
Михаил Развожаев ныфс бавæрдта, Севастополь æмæ Хуссар Ирыстонæн æппæт фадæттæ æмæ ресурстæ кæй ис æмгуыстады рæзтæн, план цæуы культурæйы, спорты æмæ ахуырады фадыджы сæ кæрæдзийы фæлтæрддзинадимæ зонгæ кæнынæн.
Сразыдзинадыл къухтæ æрфыссын план цæуы августы кæронмæ, Хуссар Ирыстоны хæдбардзинад Уæрæсейы Федераци куы банымадта, уыцы бонмæ.
***
Республикæ Хуссар Ирыстоны Президент Бибылты Анатоли бабæрæг кодта Севастополы «Сапун-гора»-йы комплекс. УФ-йы Паддзахадон Думæйы депутат Дмитри Саблинимæ уый дидинджытæ сæвæрдта Кады Обелискы Æнусон арты раз.
Севастополы æфсæддон-историон музей-тобæгонд хъæды директор Николай Мусиенко уазджытæн экскурси ауагъта «Штурм Сапун-горы 7 мая 1944 г.»-йы диорамæмæ гæсгæ. Уый фæстæ Бибылты Анатолийæн балæвар кодта «Герои битвы за Севастополь»-ы чиныг.
Хæстон техникæйы равдысты рæстæджы уазджытæн фенын кодтой ацы аз сцалцæггонд танктæ Т-34, ИС-2 æмæ зынгæ «Катюшæ».
Афтæ ма уазджытæн фадат уыд Мемориалон комплекс «Сапун-гора»-йы реконструкцийы макеттæ фенынæн. Ам арæзтадон куыстытæ фæуыдзысты 2020 азы маймæ.
Comments are closed, but trackbacks and pingbacks are open.