Дыккаг бон
Президент Гаглойты Алан ауагъта æмбырд Республикæ Хуссар Ирыстон æмæ Уæрæсейы Федерацийы ‘хсæн социалон-экономикон æмгуыстады фæдыл.
Хуссарирыстойнаг фарсæрдыгæй æмбырды хайад райстой Хицауады Сæрдар Джуссойты Константин, Хицауады Сæрдары хæдивæг – Экономикон рæзты министр Тадтаты Дзамболат, Арæзтад, архитектурæ æмæ цæрæнуатон-коммуналон хæдзарады министр Елдзарты Константин æмæ æндæртæ.
Уæрæсейаг фарсæрдыгæй та – РХИ-йы УФ-йы Уæлвæткон æмæ Æххæстбарджын минæвар Марат Кулахметов, Экономикон рæзты министры хæдивæг Дмитри Вольвач, афтæ ма æхсæнрегионалон æмæ æхсæнкультурон бастдзинæдты фæдыл УФ-йы Президенты Управленийы минæвæрттæ сæ хистæр Игорь Масловы сæргълæудæй.
Гаглойты Алан раарфæ кодта республикæйы уазджытæн æмæ ныфс бавæрдта æнтыстджын куысты фæдыл.
«Æмбырды фæлгæтты мах æруынаффæ кæндзыстæм, нæ иумæйаг хъусдард æмæ дарддæр бæрæг уынаффæтæ цы фарстатæ домынц, уыдоныл. Махмæ ис къорд фæндоны, кæцытæм æркæсдзыстæм уæвæг фарстатыл ныхас кæныны рæстæджы», – загъта Президент.
Йæхи ‘рдыгæй, Игорь Маслов банысан кодта, зæгъгæ, уæрæсейаг фарс цæттæ у боны фæткмæ хуссарирыстойнаг фарс цы ивддзинæдтæ бахаста, уыдонмæ æркæсын.
«Æз афтæ нымайын æмæ нæ абоны куыстыл баст уыдзæн, бадзырдгонд программæты эффективондзинад», – загъта Игорь Маслов.
Экономикон рæзты министры хæдивæг Дмитри Вольвач йæ рады банысан кодта, зæгъгæ, активон иумæйаг куыст, афтæ ма ивгъуыд азы Мæскуыйы Æхсæнхицауадон къамисы фæлгæтты ист уынаффæтæ гъæдджынæй разындысты куыстыл.
«Хорз фембæлд уыд фыццаг Кавказаг инвестицион равдысты, Хуссар Ирыстоны диссаджы стенды цур. Михаил Мишустин йæ хъусдард аздæхта, нæ ахастытæ куыд рæзынц, уымæ. Мæнмæ гæсгæ, æнæмæнгхъæуæг у ахæм фæзуæтты мадзæлтты республикæйы инвестицион фадæттæ презентаци кæнын. Нæ сæйраг хæс у – уæрæсейаг инвесторæн республикæйы инвестицион хъомысад раргом кæнын, цæмæй куыд гæнæн ис, афтæ фылдæр сæрмагонд инвестицитæ цæуой ардæм», – загъта уый.
Дмитри Вольвач ма хъусдард аздахын кодта Хуссар Ирыстоны туристон хъомысадмæ, банысан кодта, туристтимæ иумæ кæй рæзы экономикæ æмæ инфраструктурæ, æмæ цæуынц инвестицитæ.
«Максим Решетников æрæджы фехъусын кодта, Уæрæсейы Президентæн, кавказаг туристон кластеры химæлвæстдзинад куыд рæзы, уый. Мæн тынг фæндид, цæмæй Хуссар Ирыстоны тыххæй фылдæр базона уæрæсейаг турист, цæмæй уый уа уæрæх кавказаг туристон кластеры хай, цыранмæ кæдфæнды гæнæн уа дыууæ-æртæ бонмæ æрцæуын æмæ æгæрыстæмæй схос кæнын, рæсугъд бынæттæ фенын æмæ сыгъдæг уæлдæфæй аулæфын. Ам ис гæнæнтæ туризмы активон хуызты рæзынадæн», – загъта уый.
