Президент Гаглойты Алан фембæлд Уæрæсейы Тæрхондонон приставты федералон службæйы делегациимæ ведомствойы директор – Уæрæсейы Федерацийы тæрхондонон сæйраг пристав Дмитри Аристовы сæргълæудæй. Уыдон Хуссар Ирыстонмæ æрцыдысты кусæгон визитимæ.
Фембæлды хайад райстой РХИ-йы Президенты Администрацийы къухдариуæггæнæг Джиоты Алан, РХИ-йы Юстицийы министр Гаглойты Олег, РХИ-йы УФ-йы Уæлвæткон æмæ æххæстбарджын минæвар Марат Кулахметов, Тæрхондонон приставты Федералон службæйы директор – УФ-йы Тæрхондонон сæйраг пристав Павел Хуторенко, Тæрхондонон приставты федералон службæйы специалон нысаниуæджы хайады хистæр – тæрхондоны хистæр пристав Валерий Чикунов.
Визиты фæлгæтты план цæуы РХИ-йы Юстицийы министрад æмæ УФ-йы Тæрхондонон приставты федералон службæйы ‘хсæн æмгуыстады фæдыл Меморандумыл къухтæ æрфыссын.
Паддзахады сæргълæууæг раарфæ кодта уазджытæн æмæ банысан кодта æмгуыстады тыххæй Меморандумыл къухтæ æрфыссыны ахсджиагдзинад.
«Æхсызгон мын у Ирыстоны хуссар хайы уын «æгас цыт» зæгъын. Æз æй зонын, сымах æдзух кæй æххуыс кæнут нæ республикæйы Юстицийы министрадæн. Меморандумы фæрцы хъæугæ æххуыс цæудзæн Хуссар Ирыстоны Юстицийы министрады кусджыты квалификаци фæбæрзонддæр кæнынæн. Мах лæуд стæм не стратегион партнер – Уæрæсейы Федерациимæ æппæт фадгуыты архайад рæзын кæныныл. Хуссар Ирыстон цæттæ у æнтыстджын иумæйаг куыстмæ», – загъта уый.
Йæхи рады Дмитри Аристов бузныг загъта Гаглойты Аланæн йæ хъарм химæрайсты тыххæй æмæ банысан кодта, Хуссар Ирыстон æмæ Уæрæсейы юстицийы органты ‘хсæн кæй сæвзæрд конструктивон, хæларадон ахастытæ.
«Фыццаджы уал мæ фæнды раарфæ кæнын Уæрæсейы Федерацийы ‘рдыгæй Республикæ Хуссар Ирыстоны паддзахадон хæдбардзинад банымайыныл 15 азы сæххæсты фæдыл. Уый у нæ иумæйаг истори. Бузныг зæгъын мæ фæнды, Хуссар Ирыстоны æххуысы тыххæй специалон æфсæддон операци ауадзыны фæдыл.
Дыууæварсон æмгуыстады фарстатыл дзургæйæ, мæ банысан кæнын фæнды, Хуссар Ирыстоны Юстицийы делегаци хайад кæй исы УФ-йы тыххæй æххæст кæныны УФ-йы органты æппæт мадзæлтты фæсарæйнаг паддзахадты æндæр хайадисджыты æмрæнхъ. Уымæй уæлдай, Санкт-Петербургы фæнд кæнæм фембæлд Уæрæсе-Африкæ ауадзын. Ацы фембæлды фæлгæтты мах фæндон хъуамæ бахæссæм тæрхондонон æххæстгæнджыты æхсæндунеон организаци саразын, æхсæндунеон цæдис нæ йæ уæнгæй кæй нæ райста, уый тыххæй. Махæн ныр ис нæхи фæндæгтæ. Фæнды нæ æппæт хæларадон бæстæты нæ фидæны организацимæ фæхонын. Мах ралæудзыстæм ахæм инициативæимæ æмæ нæ ныфс ис уе ‘ххуысæй.
Æхзыгон мын у, республикæйы закъондæттынад кæй рæзы. Мах цæттæ стæм тæрхондонон æххæстгæнджыты æмæ службæйы æндæр кусджыты сахуыр кæнынæн фæзуæттæ ссарынмæ. Мах бакæндзыстæм æнæмæнгхъæуæг æххуыс, уыцы нымæцы материалон-техникон», – загъта уый.
Президент бузныг загъта уазджытæн. Республикæ Хуссар Ирыстон æмæ Уæрæсейы Федерацийы адæмты ‘хсæн хæларадон ахастытæ рæзын кæнынмæ йæ сæрмагонд хайбавæрды æмæ закъондзинад æмæ барвæтк фидар кæныны йæ лæггæдты тыххæй Гаглойты Алан Дмитри Аристовы схорзæхджын кодта Хæлардзинады орденæй.
