Президент Бибылты Анатоли фембæлд Уæрæсейы Федерацийы Паддзахадон регистраци, кадастр æмæ картографийы Федералон службæйы делегацийы уæнгтимæ Уæрæсейы реестры къухдариуæггæнæджы хæдивæг Максим Смирновы сæргълæудæй. Уыдон Цхинвалмæ æрцыдысты кусæгон балцы.
Фембæлды ма хайад райста Республикæйы Уæрæсейы Федерацийы Уæлвæткон æмæ Æххæстбарджын минæвар Марат Кулахметов.
Бибылты Анатоли раарфæ кодта уазджытæн æмæ ныфс бавæрдта дыууæ фарсы æнтыстджын æмæ эффективон æмгуыстадæй.
«Абон Хуссар Ирыстоны Юстицийы министрад æмæ Уæрæсейы реестр цы Меморандумыл æрфыстой къухтæ, уый у системон куыст æмæ уыцы интеграцион процесстæ дарддæр кæнын, кæцытæ бæрæг сты Хуссар Ирыстон æмæ Уæрæсейы ‘хсæн æмгуыстад æмæ интеграцийы Сразыдзинады», – загъта уый.
Президент банысан кодта документы ахсджиагдзинад, кæцы бæрæг кæны æнæзмæлгæ исады регистрацийы фадыджы компетенци фæтыхджындæр кæнын, кæцы ахъаз кæндзæн инвесторты химæ æрбаздахынæн.
«Уæрæсейы реестр тырны Хуссар Ирыстоны сæ коллегæтимæ æмгуыстад сфидар кæнынмæ. План кæнæм ирд хыгъдон-регистрацион системæ саразын, афтæ ма зæххон ресурстимæ архайыны фадыджы фæлтæрддзинад амонын», – банысан кодта Максим Смирнов.
Республикæ Хуссар Ирыс.тоны Юстицийы министрады æмæ Паддзахадон регистраци, кадастр æмæ картографийы Федералон службæйы ‘хcæн æмгуыстады тыххæй Меморандумыл къухтæ фыст æрцыд Цхинвалы.
Comments are closed, but trackbacks and pingbacks are open.