Бекъойты Геннади ауагъта радон кусæгон æмбырд горæт Цхинвалы æмæ республикæйы районты администрациты структурон дæлхайæдты барадон статус æрбæстон кæныны фарстыты фæдыл, кæцы домы архайгæ закъондæттынадмæ гæсгæ паддзахадон службæйы фадыджы хъæугæ уавæрмæ æркæ-нын.
Кусæгон къорд, кæцы конд у профилон министрадты æмæ ведомствоты къухдариуæггæнджытæй, Хицауады сæргълæууæгæн фехъусын кодтой, администрацийы структурон дæлхайæдты реорганизацийы тыххæй проекттæ цæттæ кæй сты.
«Æххæсткæнынады хицауады органты организацион структурæ бынаты хъуамæ уа æппæт домæнтæм гæсгæ. Фарстыл хъуамæ лыстæггай бакуыстгонд æрцæуа æмæ скъуыддзаг æрцæуа æввахс рæстæджы», – банысан кодта Бекъойты Геннади.
Хицауады сæргълæууæг республикæйы районты администрацийы сæргълæуджытæн бахæс кодта 2022 азы 25 апрелмæ Финансты министрадмæ районты администрациты структурон дæлхайæдты реорганизацийы тыххæй проектты финансон ифтонгады тыххæй хыгъдтæ бавдисын, кусæгон къорд та саразæд æмæ бавдисæд бахæсгæ проекттæ реализаци кæныны тыххæй фæндагон картæ.
Зæрдыл лæууын кæнæм, горæт Цхинвалы æмæ республикæйы районты администрациты кæй цæуы структурон дæлхайæдты реорганизаци, растдæр та паддзахадон бюджетон уагдæттæ (ПБУ) саразын архайды хуызтæм гæсгæ (ахуырад, культурæ, финанстæ æмæ æндæртæ).
Æмбырды рæстæджы банысангонд æрцыд, администрациты кæцыдæр кусджыты Паддзахадон бюджетон уагдæттæм ракæнын æнæмæнгхъæуæг у паддзахадон æмбæстагон æмæ бюджетон уагдæтты кусджыты функционалон хæстæн арæн скæнынæн архайгæ нормативон-барадон документты домæнтæм гæсгæ.
Comments are closed, but trackbacks and pingbacks are open.