Хицауады Сæрдар Бекъойты Геннади ауагъта кусæгон æмбырд æххæсткæнынадон хи-цауады органты районон дæлхайæдты барадон статус архайгæ закъондæттынадмæ гæcгæ æрбæстон кæныны фæдыл.
Æмбырды хайад райстой Хицауады Аппараты къухдариуæггæнæг, Финансты министрад, Юстицийы министрад, Хъалонтæ æмæ æмбырдты фæдыл комитет, афтæ ма республикæйы столицæйы æмæ районты администрациты сæргълæуджытæ.
Уынаффæ кæныны рæстæджы нысангонд æрцыд, æххæсткæнынады хицауады органты районон дæлхайæдты юридикон статус кæй у, лæууы ныры архайæг закъондæттынады ных-мæ, æмæ ацы фарст хъуамæ бæстон æрцæуа барадон ахасты.
«Паддзахадон хицауады бынæттон органты организацион структурæ хъуамæ ахъаз кæна эффективон куыст æмæ фæткдарды системæ иумийагæй фæхуыздæр кæнынæн», – баны-сан кодта Бекъойты Геннади.
Уый ма банысан кодта, зæгъгæ, æнæмæнг-хъæуæг у районон барадон акттæ æрбиноныг кæныны фæдыл куыст адарддæр кæнын рес-публикон закъондæттынады домæнтæм гæсгæ.
Хицауады сæргълæууæгы бахæсмæ гæсгæ ист æрцыд уынаффæ, районты паддзахадон бюджетон уагдæттæ саразын сæ архайды хуызтæм гæсгæ. Банысангонд æрцыд, администрациты кæцыдæр кусджыты Паддзахадон бюджетон уагдæттæм ракæнын æнæмæнгхъæуæг кæй у паддзахадон æмбæстагон службæгæнджыты æмæ бюджетон уагдæтты кусджыты функционалон хæстæн арæн скæнын архайгæ нормативон-барадон документты домæнтæм гæсгæ.
Районты администрациты сæргълæуджытæн бахæс æрцыд, цæмæй 1-æм декабрмæ Хицауадмæ бавдисой дæлхайадтæ реорганизацийы фæдыл уынаффæты проекттæ æмæ хъæугæ структурæтæ.
Comments are closed, but trackbacks and pingbacks are open.