12-æм апрелæй 16-æм апрелмæ Мæскуыйы уагъд цæудзæн Европæйы хæлцадон продуктты егъау Æхсæнадæмон равдыст «Продэкспо-2021», цыран хайад райсдзæн Хуссар Ирыстон.

Национ экспозици æвдыст æрцæудзæн куыстуат «Иронсæны» продукци – сæнты хуызтæ æмæ минералон донæй.

«Æхсызгон у, Хуссар Ирыстонæн кæй ис фадæттæ ахæм æхсæнадæмон равдысты йæ продукци равдисынæн. Ацы аз мах хайад исæм равдысты æртыккаг хатт. Нæ экспозицийы ис национ хæзна – минералон дон «Бæгъиатæ», «Аландон», афтæ ма «Иронсæн»-ы продукци – коньяк æмæ сæны алыгъуызон хуызтæ. Нæ экспозици æвзарын кæны стыр цымыдисдзинад. Мах архайæм, цæмæй дзурæм Хуссар Ирыстоны фенддаг бынæттæ, йæ туристон фадæттыл, амалиуæггæнджытæн преференцитæ æмæ бирæ ахæмтыл», – фехъусын кодта компани «Иронсæны»-ы директор Таймураз Гогинов.

Равдыст «Продэкспо-2021»-йы хайад исынц 2 660 хайадисæгæй фылдæр 73 бæстæйæ. Равдысты организатортæ фæнд кæнынц райсын 70 000 уазæджы 115 бæстæйæ, сæйраджыдæр, Аргентинæ, Сомихстон, Бразили, Испани, Итали, Серби, Таджикистан, Турци, Узбекистан, Уругвай, Шри-Ланка æмæ æндæртæ.

Ацы æрмæджытæ дæр бакæс:

Цуангæнæн элитон æхсæнгæрзты равдыст ИРОН АДÆМЫ ГЕНОЦИД АХОРÆНТЫ ÆВЗАГÆЙ ИРЫСТОНÆЙ – ÆХСÆНАДÆМОН РАВДЫСТМÆ БИГЪУЫЛАТЫ РУДОЛЬФЫ ДУНЕ – АХОРÆНТЫ ÆВЗАГÆЙ «Кæм цæрæм, уыцы дуне»

Comments are closed, but trackbacks and pingbacks are open.