Хуссар Ирыстоны минералон дон нымад у хæлцадон продуктты егъау æхсæнадæмон равдыст «Продэкспо 2021»-йы хуыздæртæй сæ иуыл.
Дæттæ «Дзау-Суар» æмæ «Бæгъиатæ», кæцытæ уадзы Бæгъиаты суары завод, райстой сыгъзæрин æмæ æвзист майдантæ.
Ивгъуыд азы æвзист æмæ зыгъзæрин майдантæ райстой сæнуадзæн «Иронсæн»-ы сæнтæ «Цхинвальская долина» æмæ «Цард».
«Мах «Бæгъиаты» суарыл ахуыр стæм, фæлæ йæ фыццаг хатт чи баназы, уыдон дисы бахауынц. Ивгъуыд азы равдысты мах райстам фæстиуджытæ, кæцытæн æнхъæл дæр нæ уыдыстæм. Контракттыл нæ къух æрфыстам кадджын уæрæсейаг компанитимæ, казахаг дистрибьютортимæ, федералон хызæгтимæ. Æмæ ацы аз дæр мах активонæй кусæм. Нæ дистрибьюторон компанийы фæлгæтты мах райдайдзыстæм дон ласын Хуссар Ирыстоны Экономикæйы министрады æххуысæй уæрæсейаг базармæ,», – банысан кодта Уæрæсейы Хуссар Ирыстоны базарадон минæвар æмæ арæнгонд бæрндзинады æхсæнад «Сæнуадзæн Иронсан»-ы къухдариуæггæнджытæй сæ иу Таймураз Гогинов.
Уый ма банысан кодта, равдыст «Продэкспо» кæй нымайы Евразийы иууыл эффективонтæй сæ иуыл.
«Ахæм хорз фæзуаты фæрцы, куыд «Продэкспо», мах дзурæм æрмæст хосгæнæн минералон доны тыххæй нæ, фæлæ ма Хуссар Ирыстоны уникалон сæнуадзæн зонæйыл, кæцыйы фæдыл нырма зонынц цъус, нæ паддзахады сæн нуазыны культурæйы тыххæй. «Продэкспойы» дирекциимæ нæ æмархайд дисы æфтауы йæ эффективондзинадæй, экспонентыл куыд аудынц æмæ ориентаци кæнынц», – загъта Таймураз Гогинов.
Comments are closed, but trackbacks and pingbacks are open.