Хуссар Ирыстоны делегаци хайад райсдзæн, 16 июны Санкт-Петербурджы чи байгом уыдзæн, уыцы XX-æм æхсæнадæмон экономикон форумы мадзæлтты. Делегацийы сконды уыдзысты УФ-йы РХИ-йы Уæлвæткон æмæ Æххæстбарджын минæвар Гасситы Знауыр, Финансты министр Хæбæлаты Азæ æмæ Экономикон рæзты министр Зæгъойты Вильям.
Зæгъойты Вильям радзырдта, зæгъгæ, Хуссар Ирыстонæн уый уыдзæн потенциалон инвестортимæ фембæлыны æмæ Уæрæсейы Федерацийы паддзахадон хицауады органты минæвæрттимæ бастдзинæдтæ саразыны ног фадат.
«Петербурджы æхсæнадæмон экономикон форум у экономикон фадыджы æрвылазон мадзал. Уырдæм æрæмбырд вæййынц 60 бæстæйæ фылдæры минæвæрттæ. Уыдон вæййынц уæрæсейаг æмæ фæсарæйнаг стырдæр компаниты къухдариуæггæнджытæ, бæстæты сæргълæуджытæ æмæ политикон раздзæуджытæ, Уæрæсейы алы регионты бизнес-æхсæнадты минæвæрттæ.
Форумы цæуы активон ныхас, æмæ уый фадат дæтты хисæрмагонд бастдзинæдтæ æрбиноныг кæнын, стереотипты сæрты ахизын, цымыдисаг цы у, уыдон гуырахст фæуæрæхдæр кæнын…
Ныфс мæ ис, форум уыдзæн æфтиагджын æмæ нын, уырдыгæй æрцæугæйæ цы радзурæм, уый уыдзæн», – загъта Зæгъойты Вильям.
Форумы Телеграфон агентад Уæрæсейы информагентады модератор куыд хъусын кæны, уымæ гæсгæ юбилейон форумы сæйраг мадзæлттæ уагъд цæудзысты 2016 азы 16-18 июны ног фæзуаты – Конгресстæ æмæ равдыстыты центр «Экспофорум»-ы. Уыцы ран уыдзæн равдыст SPIEF investment end Business Expro, цыран æвдыст цæудзысты уæрæсейаг регионты инвесторты авналæнтæ.
Презентацитæ æвдисдзысты Мæскуыйы областы, Красноярскы крайы, Татарстаны Республикæйы, Краснодары крайы, Хъырымы республикæйы, Нижегородскы областы, Акционерон æхсæнад «Корпорация развития Северного Кавказа».
Уымæй дарддæр ма æвдыст цæудзысты федералон æмæ регионалон нысаниуæджы инновацион поекттæ: «Хелипорты России – масштабный национальный проект инфраструктурного вертолетного девелопмента», «Создание особой экономической зоны на территории Красноярского края», «Создание иновационного медицинского кластера в Кавказских Минеральных Водах» æмæ æндæртæ.
Дискусситы бавдыст темæты æхсæн уыдзысты: «Международные комплексные проекты в России – реализация сегодня», «Жизненный цикл машин: как им управлять?», «Корпоративная социальная ответственность в условиях кризиса. Бремя или опора?», «Время инвестировать в Москву: развитие промышленного потенциала столицы», «Комплексное развитие территорий: с правилами и без».
РХИ-йы Хицауады официалон сайт
Comments are closed, but trackbacks and pingbacks are open.