Хуссар Ирыстоны делегаци РХИ-йы Хицауды Сæрдар Пухаты Эрикы сæргълæудæй хайад райсдзæн Санкт-Петербурджы Дунеон экономикон форумы, кæцы уагъд æрцæудзæн 2019 азы 6-8 июны.
Делегацийы сконды уыдзысты РХИ-йы Хицауды Сæрдары хæдивæг Экономикон рæзты министр Бекъойты Геннади æмæ Финансты министр Хæбæлаты Азæ.
Хицауады сæргълæууæджы ны-хæстæм гæсгæ Дунеон экономикон форум стыр цымыдисдзинад æв-зæрын кæны Хуссар Ирыстоны бирæ здæхтыты фæдыл, ахæмтæ куыд бизнес, туризмы рæзт, экономикон рæзты фæндæгтæ, брæттæ утилизаци кæнын æмæ афтæ дарддæр.
«Æз бузныг дæн, Санкт-Петербурджы Хицауадæй фадат кæй радтой нæ делегацийæн ахæм æмвæзады æмæ масштабы форумы хайад райсынæн. Форумы фæзуæтты уынаффæ кæндзысты æрмæст экономикæйы глобалон фарстытыл нæ, фæлæ къуындæг специалон темæтыл, кæцытæ махæн сты ахсджиаг. Мах фæнд кæнæм хайад райсын, республикæйæн актуалон цы фарстытæ сты, уыцы тематикон сесситы куысты», – банысан кодта Пухаты Эрик.
Уый та банысан кодта, форумæй йæ ныфс кæй ис хъуыддагон æхсæнады минæвæрттимæ бастдзинæдтæ саразынæй.
2019 азы Петербурджы Дунеон экономикон форумы сæйраг темæ у «Формируя повестку устойчивого развития».
Мадзалы программæ конд уыдзæн цыппар тематикон хæйттæй: «Мировая экономика в поисках баланса», «Российская экономика: реализуя цели национального развития», «Технологии, приближающие будущее» æмæ «Человек – прежде всего».
Уымæй уæлдай ма, бизнес-диалогты фæлгæтты уынаффæ кæндзысты уæрæсейаг бизнес æмæ Австри, Германи, Инди, Итали, Китай, АИШ, Финлянди, Швеци, Франци, Швейцари æмæ Африкæйы бæстæты минæ-вæртты ‘хсæн дыууæварсон æмархайадыл.
Comments are closed, but trackbacks and pingbacks are open.