Уæрæсейы хъахъхъæнынады министр, армийы инæлар Сергей Шойгуйы бахæсмæ гæсгæ хъуамæ Хуссар Ирыстоны оперативонæй саразой бирæфункционалон мобилон госпиталь коронавирусы ныхмæ тох кæнынæн баххуыс кæныны тыххæй.
«Хуссар Ирыстоны разамынады куырдиатмæ гæсгæ уæлдæр къомандæгæнæг райста ахæм уынаффæ, цæмæй Цхинвалы саразой мобилон госпиталь. Курæг уæ дæн ацы куыстмæ æрæвналын», – загъта Шойгу æмбырды рæстæджы, кæцы уагъд æрцыд коронавирус ма апарахат кæныны тыххæй мадзæлттæ райсынæн.
Уæрæсейаг æфсæддон ведомствойы сæргълæууæг сæвæрдта ахæм хæс, цæмæй цыбыр æмгъуыдмæ Хуссар Ирыстоны саразой госпиталь.
Уый размæ Президент Бибылты Анатолийы хæсмæ гæсгæ Хуссар Ирыстоны æфсæддон ведомство арвыста тел УФ-йы Хъахъхъæнынады министрадмæ, цæмæй республикæмæ æрæрвитой æфсæддон-быдырон госпиталь 150 бынатимæ, профилон специалисттимæ æмæ æнæмæнгхъæуæг медицинон исадимæ.
Comments are closed, but trackbacks and pingbacks are open.