Президент Бибылты Анатолийы къухдариуæгадæй 14-æм октябры уагъд æрцыд Хицауады рабадт, кæцыйы рæстæджы хорзыл нымад æрцыд Уæрæсейы Федерацийы Республикæ Хуссар Ирыстоны Базарадон минæварад байгом кæнын.
Хицауады Сæрдары хæстæ æххæстгæнæг Бекъойты Геннади темæйæн комментаритæ аразгæйæ куыд банысан кодта, уымæ гæсгæ Мæскуыйы Базарадон минæварад байгом кæнын ратдзæн уæлæмхас импульс Хуссар Ирыстон æмæ Уæрæсейы ‘хсæн базарадон-экономикон ахастытæн.
«Уæрæсейы Федераци у Хуссар Ирыстоны сæйраг стратегион партнер, кæцыимæ махæн арæзт æцыдысты рагон æмæ фидар культурон æмæ гуманитарон бастдзинæдтæ, рæзы æхсæнпаддзахадон базарад. Мæскуыйы Хуссар Ирыстоны Базарадон минæварады баконд уæлæмхас импульс ратдзæн дыууæ бæстæйы ахастытæн базарадон-экономикон æмгуыстады фадыджы.
Æдзухон базарадон минæварад фæахъаз уыдзæн Хуссар Ирыстонæй продукци ласынæн æрмæст Уæрæсейы столицæмæ нæ, фæлæ ацы бæстæйы æндæр регионтæм дæр. Махæн ис бæрæг перспективæтæ минералон доны, дыргъты, фидæны хъæдгуыстгæнæн сæудæджерады продукциты импорты фадыджы базарадон æмгуыстад фæуæрæхдæр кæныны хъуыддаджы. Базарадон минæварадмæ йæ бон у бахатын кæцыфæнды амалиуæггæнæгæн дæр, кæцы цымыдис кæны хуссарирыстойнаг базарадон партнертæ ссарынмæ, бынаты продукци сахуыр кæнынмæ», – банысан кодта Бекъойты Геннади.
Уæ зæрдыл уын лæууын кæнæм, Мæскуыйы Хуссар Ирыстоны æдзухон базарадон минæварад гом цæуы Республикæ Хуссар Ирыстоны æмæ Уæрæсейы Федерацийы Хицауадты ‘хсæн базарадон минæварадтæ саразыны тыххæй Сразыдзинады уагæвæрдтæ среализаци кæныны фæдыл куысты фæлгæтты.
Comments are closed, but trackbacks and pingbacks are open.