НЫХАС – ÆМГУЫСТАДЫ ФАРСТАТЫЛ

Видеоконференц-бастдзинады режимы уагъд æрцыд æхсæнхицауадон æмбырд Донецкы Адæмон Республикæ æмæ Республикæ Хуссар Ирыстоны ‘хсæн базарад, экономикæ, культурæ, спорт æмæ туризмы къабæзты æмгуыстады тыххæй Сразыдзинад среализаци кæныны фарстыты фæдыл.

Æмбырды хайад райстой дыууæ республикæйы хицауадты уæнгтæ æмæ базарадон-сæудæджерадон палатæты къухдариуæггæнджытæ.

Мадзалы модератор Хуссар Ирыстоны фарсæрыдгæй уыд Хицауады Сæрдар Бекъойты Геннади, Донецкы Адæмон Республикæйæ та – Донецкы Адæмон Республикæйы сæргълæууæджы администрацийы къухдариуæггæнæг Алексей Никоноров.

Æруынаффæ кодтой фæндагон кадртæ реализаци кæныны æмгъуыдтыл, товартæ æрвитыны фарстытыл, кæцытæ ахсджиаг уыдзысты республикæты базæртты, таможнæйон контроль, кæрæдзийы ‘хсæн хыгъдты механизмтæ, фитосанитарон æмæ ветеринарон контроль уадзын, афтæ ма культурæйы æмæ туризмы фадыджы ахастытæ рæзын кæнын.

«Нæ республикæйы сæргълæуджыты къухдариуæгадæй Хуссар Ирыстон æмæ Донецкы Адæмон Республикæйы практи-кон æмархайд хъуамæ рахиза ног æмвæзадмæ. Егъау куыст æххæст æрцыд æнгом æмархайд æрбæстон кæныны фæдыл, уыцы нымæцы фæндагон картæйыл бакусыны фарстыты фæдыл Сразыдзинад реализаци кæныны тыххæй, кæцыйы нысан æрцыдысты конкретон мадзæлттæ базарадон-экономикон æмгуыстады фадыджы æмæ культурæйы къабазы, фæсивæдон политикæ æмæ туризмы. Нæ нысан у, цæмæй иннæ азы хатдзæгтæ мах нысан кæнæм иумæйаг æнтыстытæй», – банысан кодта Бекъойты Геннади.

Йæ фарсæрдыгæй Алексей Никоноров банысан кодта дыууæ республикæйы архайды æппæт здæхтыты æмгуыстадмæ цæттæдзинад æмæ Хуссар Ирыстоны хицауадон делегацийы фæхуыдта Донецкы Адæмон Республикæйы столицæйы экономикон форумы фембæлынмæ, кæцы уагъд цæудзæн Уæрæсеимæ æмæ бæстæтæ-партнертимæ базарадон-экономикон æмархайды фæлгæтты.

Æмбырды рæстæджы нысан æрцыд, дыууæ республикæты дипломатон минæварадтæ байгом кæныныл æмæ Республикæ Хуссар Ирыстон æмæ Донецкы Адæмон Республикæйы хицауадты ‘хсæн хицауадон сразыдзинадыл куыст кæй райдыдта.

«Абон мах ноджы иу къахдзæф сарæз-там нæ кæрæдзимæ, æмæ æз афтæ хъуыды кæнын, æмæ тагъд рæстæджы нын æнтыстытæ кæй æрхæсдзæн. Нæ республикæтæн ис егъау потенциал æмгуыстады рæзтæн, кæцы дарддæр дæр хъæуы реализаци кæнын», – загъта Бекъойты Геннади.