РХИ-йы Президент Бибылты Анатоли бабæрæг кодта 4-æм уæрæсейаг æфсæддон базæйæн Дзауы районы цы городок ис, уый. Президент æфсæддон службæгæнджытæн раарфæ кодта æфсæддон хайы сарæзты боны цытæн. Паддзахады сæргълæууæгимæ уыд Хъахъхъæнынады министр Гассеты Ибрагим.
Æфсæддонтæм сидгæйæ, Бибылты Анатоли банысан кодта, уыдон кæй сты республикæйы æдасдзинады æнæфæхицæнгæнгæ хай.
«Ныфс мæ ис, сымах дарддæр дæр уе ‘фсæддон хæс кæй æххæст кæндзыстут кадимæ. Бузныг уын, уæ цæсгомджын службæйы тыххæй», – загъта Президент.
Æфсæддон хайæ йæхи уæлдай хуыздæр чи равдыста, уыцы æфсæддонты паддзахады сæргълæууæг схорзæджын кодта «Хуссар Ирыстоны сабырад хъахъхъæныны фæдыл службæйы сæраппонд» майдантæй, афтæ ма РХИ-йы Кады грамотæтæ æмæ Арфæйы гæххæтытæй.
Comments are closed, but trackbacks and pingbacks are open.