Уæрæсейы æфсады Александровы номыл кафт æмæ зарды зынгæ академион ансамбль стыр концертон программæимæ ралæууыд, Хуссар Ирыстоны 4-æм уæрæсейаг æфсæддон базæйы службæгæнджыты раз. Ансамблы артисттæ концерттæ равдыстой Цхинвалы æмæ Дзауы æфсæддон гарнизонты, афтæ ма Гудзабары заставæйы æфсæддон службæгæнджытæн дæр.
Алы концерты дæр æххæст æрцыд 20 музыкалон номырæй фылдæр.
«Кæронбæттæны ма иу концерт 4-æм уæрæсейаг æфсæддон базæйы æфсæддонтæн, арæнхъахъхъæнджытæн æмæ республикæйы цæрджытæн уагъд æрцыд Хуссар Ирыстоны Ленингоры районы культурæйы галуаны», – банысан кодтой зылды.
Дыууæ хатты сырхтырысаджын уæрæсейаг æфсады Александровы номыл кафт æмæ зарды академион ансамбль у Уæрæсейы стырдæр æфсæддон аивадон коллектив. Йæ нæлгоймæгты æмзарджыты къорд нымад у дунейы иууыл хуыздæрыл. Ансамблы кафджыты къорд та æппæт континентты сценæмæкæсджыты зæрдæтæ дæр рухс кæны бæрзонд хореографион аивадæй.
Comments are closed, but trackbacks and pingbacks are open.