Информаци æмæ мыхуыры паддзахадон комитеты сæрдары хæдивæг Харебаты Мая дзыллон информацийы фæрæзты кусджыты иу къорды схорзæхджын кодта бæстæйы националон мыхуыры боны цытæн. Уый сын рарфæ кодта сæ профессионалон бæрæгбоны цытæн, бузныг сын загъта сæ ахсджиаг куысты тыххæй. Æхсызгонæй банысан кодта, сгуыхт журналисттæ æмæ культурæйы архайджыты рæнхъытæ кæй фылдæр кæнынц, уый.
Йæ ныхæстæм гæсгæ, комитет æрвылаз дæр æххæст кæны ацы кадджын мисси.
«Хорзæхтæм æвдыст æрцыдысты нæ республикæйы дзыллон информацийы фæ-рæзты минæвæрттæ. Хорзæхтæ дæттыны кадджын мисси мæ райдайын фæнды «Югосетпечать»-ы агентады кусджытæй. Ацы организацийы хынцыд цæуы бæрæг зындзинæдтæ, кæцытæ мах хъуамæ æрбæстон кæнæм», – банысан кодта Мая.
Намысджын куыст æмæ националон дзыллон информацийы фæрæзты бон ны-сан кæныны цытæн Хуссар Ирыстоны Информаци æмæ мыхуыры паддзахадон комитеты Кады грамотæйæ хорзæхджын æрцыдысты информацион фæрæзты 18 кусæджы. Уыдоны æхсæн фыццаг хатт хор-зæхджын æрцыдысты уæрæсейаг информацион агентад «Спутник Южная Осетия»-йы кусджытæ.
Информаци æмæ мыхуыры паддзахадон комитеты сæрдары хæдивæджы ныхæстæм гæсгæ, ацы традици дарддæр уагъд цæудзæн æмæ ацы агентады не ‘мбæстæгтæй чи кусы, уыдон уыдзысты куыд комитеты, афтæ паддзахадон хорзæхты аккаг дæр.
Ирыстоны Цæгат æмæ Хуссар хайы информацион комитетты æмгуыстады æмæ иумиаг форумты хайад райсынц футболæй хъазæг командæтæ. Информацион фæрæзтæн æххуыс æмæ æмгуыстады тыххæй Цæгат æмæ Хуссары æфсымæрон хъазты хайадисджытæ дæр хорзæхджын æрцы-дысты мыхуыры комитеты Кады грамотæтæй.
КЪÆБУЛТЫ Маринæ
Comments are closed, but trackbacks and pingbacks are open.