Хицауады Сæрдары кусæгон балц Мæскуымæ

Республикæйы Президенты бахæсмæ гæсгæ Хицауады Сæрдар Джуссойты Константин Мæскуыйы ис кусæгон балцы, кæцыйы фæлгæтты æрныхас кодта уæрæсейаг банкты разамынадимæ республикæйы социалон-экономикон рæзты актуалон фарстаты фæдыл.

Джуссойты Константин фембæлд рæзты паддзахадон корпораци «ВЭБ. РФ»-ы разамынады скондимæ æмæ æрныхас кодтой 2022-2025 азты РХИ-йы социалон-экономикон рæзты паддзахадон программæ реализаци кæныны фæлгæтты æмгуыстады фарстатыл æмæ Хуссар Ирыстоны территорийыл инвестицион проекттыл.

***

Уый фæстæ фембæлд Банк ВТБ(ПАО)-йы разамынадимæ. Æрныхас кодтой РХИ-йы территорийыл архайæг инвестицион проектты сæйраг фарстатæ æмæ 2022-2025 азты РХИ-йы социалон-экономикон рæзты паддзахадон программæ реализаци кæныны фæлгæтты перспективон проектты фæдыл æмгуыстадыл.

***

Хицауады Сæрдары æртыккаг фембæлд уыд УФ-йы Хъæууон хæдзарады министр Дмитри Патрушевимæ.

Джуссойы фырт ын раарфæ кодта æмæ йын бузныг загъта, Хуссар Ирыстоны хъæууон хæдзарады рæзтмæ цы актуалон темæтæ хауы, уыдоныл æруынаффæ кæнынæн ын ахæм фадат кæй радта, уый тыххæй.

«2022 азы Мæскуыйы къухтæ фыст æрцыд сразыдзинадыл, кæцыйы фæрцы реализаци цæуы 2022-2025 азты Республикæ Хуссар Ирыстоны социалон-экономикон рæзты паддзахадон программæ. Ныфс нæ ис, Уæрæсейы Хъæууон хæдзарады министрад кæй ахъаз кæндзæн ацы программæ реализаци кæнынæн республикæйы агросæудæджерадон комплексы рæзты хайы», – загъта Джуссойты Константин.

Æрныхас кодтой 2022-2025 азты РХИ-йы социалон-экономикон рæзты паддзахадон программæ реализаци кæныны фæлгæтты дыууæварсон æмгуыстад рауæрæх кæныны фарстатыл, хъæууон хæдзарады чысыл æмæ астæуккаг амалиуæгады субъекттæн паддзахадон æххуысы фарстатыл. Афтæ ма Уæрæсейы Федерацийы уæлдæр ахуыргæнæндæтты бындурыл РХИ-йы агросæудæджерадон комплексы квалификациджын кадрттæ цæттæ кæнынæн  баххуыс кæнын.

Уæрæсейы фарсæрдыгæй банысан кодтой, зæгъгæ, дыууæ азы дæргъы Уæрæсейы Федераци æмæ Хуссар Ирыстоны ‘хсæн хъæууон хæдзарады продукци æмæ хæлцады товарæрзылд фæфылдæр ис дыууæ хатты, рæзы куыд экспорт, афтæ импорт дæр. Афтæ ма цæттæдзинад равдыстой 2022-2025 азты Республикæ Хуссар Ирыстоны социалон-экономикон рæзты паддзахадон программæйы фæлгæтты æмгуыстад адарддæр кæнын æмæ агросæудæджерадон фадыджы æндæр здæхтыты фæдыл æмархайд рæзын кæнынмæ.

Уæрæсейаг фарсæрдыгæй фембæлды хайад райстой – Хъæууон хæдзарады министры хæдивджытæ Сергей Левин æмæ Андрей Разин, статс-секретарь – министры хæдивæг Максим Увайдов, Экономикон рæзты министрады специалон программæтæ æмæ проектты департаменты директор Ви-тали Гудин, Акционерон æхсæнад «Россельхозбанк»-ы Правленийы уæнг, Акционерон æхсæнад «Россельхозбанк»-ы Правленийы сæрдары фыццаг хæдивæг Ирина Жачкина.

Хуссарирыстойнаг фарсæй та – Хъæууон хæдзарады министр Мæргъиты Алан, Хицауады Аппараты къухдариуæггæнæг Джуссойты Алан, УФ-йы РХИ-йы минæварады уынаффæгæнæг-минæвар Уалыты Зарæ, Хицауады Аппараты суагъæты управленийы хистæр Хаханты Цицерон.