Цæгат Ирыстонæй рацæугæ, Мæздæджы районы администрацийы раздæры сæргълæууæджы хæстæ æххæстгæнæг Хæбæлаты Олег хайад райсдзæн горæт Норильскы мэры бынатмæ конкурсы. Уый тыххæй Хæбæлайы фырт куырдиат балæвæрдта горæты советы къамисмæ. Æдæппæтæй конкурсы хайад исынц аст кандидаты. Документтæм æркæсыны æмæ претенденттимæ территорийы социалон-экономикон рæзты программæты проекттыл уынаффæйы фæстиуджытæм гæсгæ, къамис æрбавдисдзæн æппынкъаддæрæй дыууæ кандидатурæйы горæты мэры бынатмæ. Кандидатты тыххæй хъæлæс кæндзысты 3-æм ноябры горæты советы сессийы.
Хæбæлаты Олег райгуырд Мæздæджы районы Веселоейы хъæуы. 1993 азы каст фæцис Норильскы индустриалон институт «Подъемно-транспортные, строительно-дорожные машины и оборудование»-йы дæсныйадыл. Йæ фæллойадон архайд райдыдта 1993 азы Норильскы комплексон геологон развæдсгарæн экспедицийы инженер-механикæй. Уый фæстæ нысан æрцыд ацы экспедицийы кадрты хайады хистæрæй. 1997 аз уыд æвзалыйы æмæ æнæрзæтон хæххон куыстуат гом акционерон æхсæнад «Норильскы хæххон-металлургион комбинаты» управленйы кадрты хайады хистæр. 1998-1999 азты куыста Мæздæджы ООО «ПАН æмæ С» сæйраг инженерæй. Уымæй дарддæр ма 1999 азы Хæбæлаты Олег уыд УФ-йы техникон бæстонкæнынады æмæ метрологийы фæдыл Федералон агентад ФБУ «Цæгат Ирыстоны стандартизаци, метрологи æмæ фæлварæнты паддзахадон регионалон центры» Мæздæджы филиалы хистæр. 2008 азæй 2012 азмæ уыд Мæздæджы районы минæвæртты Æмбырды депутат. 2016 азы августæй 2017 азы октябрмæ уыд Мæздæджы районы бынæттон хæдразамынды администрацийы сæргълæууæджы хæстæ æххæстгæнæг. Ныртæккæ Хæбæлаты Олег кусы Норильскы Сывæллæтты æмæ фæсивæды сфæлдыстады галуаны хайады хистæрæй.
Comments are closed, but trackbacks and pingbacks are open.