Грипп æмæ коронавирусы ныхмæ новосибирскаг зонадон центр «Вектор»-ы иугонд вакцинæ «ЭпиВакКорона»-йæ хицæн кæндзæн, йæ бындур А æмæ В гриппы вирус кæй уыдзæн, уымæй. Ног препарат ма корректировкæ кæндзæн ног штаммтæ – грипп æмæ ковиды алы сезоны дæр. Афтæ саразын гæнæн уыдзæн генон инженери æмæ генетикæйæ спайда кæныны фæрцы.
Грипп æмæ КОВИД-19 ныхмæ иугонд вакцинæ бакусыны тыххæй новосибирскаг зонадон центр фехъусын кодта 2020 азы октябры мæйы. Уыимæ æнæниздзинад хъахъхъæныны дунеон организаци банысан кодта, зæгъгæ, организацийы экспертон къорд ахуыр кæны уыцы иурæстæджы грипп æмæ коронавирусы ныхмæ вакцинæ бауадзыны тыххæй, афтæ ма сиды препаратты æппæт бакусджытæм, цæмæй анализ саразой ацы фарстæн.
Иу вирусы ныхмæ вакцинаци нæ къаддæр кæны иннæ низы уæззаудзинад, – бафæдзæхстой эксперттæ, уымæн æмæ дзырд цæуы алыгъуызон антителатæ бакуысты тыххæй. Алы эпидемиологон сезоны размæ дæр дохтыртæ уынаффæ кæнынц гриппы ныхмæ прививкæ саразыны тыххæй, уымæн æмæ йæ фæстиуджытæ серьезон сты – суанг адæймаджы амæлæты онг. Дунейы коронавирусы эпидеми куы ис, уæд ахсджиаг у дыууæ инфекцийы ныхмæ дæр комбинацигонд вакцинæ саразын, – радзырдта эпидемиолог Эдуард Шунков.
Comments are closed, but trackbacks and pingbacks are open.