Президент Бибылты Анатоли Æнæниздзинад хъахъхъæнын æмæ Республикон бирæпрофилон медицинон центры къухдариуæгадимæ æруынаффæ кодта COVID-19 æй рынчынтæн хос кæныны уавæртæ æмæ вакцинаци уадзыны темптыл.
Зæрдыл лæууын кæнæм, ацы азы 7 июлы корона-вирусон инфекци СOVID-19 ма руадзыны фæдыл оперативон штабы рабадты Бибылты Анатоли Æнæниздзинад хъахъхъæнын æмæ социалон рæзты министр Наниты Сосланæн кæй бахæс кодта, цæмæй республикæйы медицинон уагдæттæ рæстæгыл ифтонг æрцæуой хостæй COVID-19 æй рынчынтæн хос кæныны тыххæй, афтæ ма вирусы ныхмæ вакцинæйæ.
Наниты Сосланы ныхæстæм гæсгæ, фæстаг 2-3 къуырийы фæактивондæр ис цæрджыты вакцинæцийы процесс.
«Абоны бон вакцинаци сарæзтой 669 адæймаджы. Дæ бахæсмæ гæсгæ мах ноджы райсдзыстæм вакцинæ, уыдоны ‘хсæн уыдзæн иукомпонентон вакцинæ «Спутник Лайт». Вакцинæ цы кабинеты аразынц, уый кусы боны фыццаг сахатмæ, уыцы нымæцы, улæфт бонты æмæ бæрæгбонты дæр», – фехъусын кодта министр.
«Адæм райдыдтой æмбарын, вакцинæ саразын кæй у ахсджиаг æмæ æнæмæнгхъæуæг. Æз афтæ хъуыды кæнын æмæуал, фыццаг рады вакцинæ хъуамæ саразой медицинон кусджытæ, уымæн æмæ нæ дохтыртæ ковидæй рынчын куы уой, уæд иннæтæн чи хос кæн-дзæн», – загъта Бибылты Анатоли.
Уынаффæ кæныны рæстæджы республикон соматикон рынчындоны сæйраг дохтыр Быценты Индирæ фæндон бахаста, цæмæй сабат бон Югосетпотребнадзорæн дæр уа кусгæ бон.
ÆРУЫНАФФÆ КОДТА ÆНÆНИЗДЗИНАДЫ ФАРСТАТЫЛ
«Майрæмбоны нæм цы пациенттæ æрбахауынц, уыдон хъуамæ æнхъæлмæ кæсой къуырисæрмæ, цæмæй тест саразой вирус сбæрæг кæныны тыххæй. Уый у дæргъвæтин рæстæг, кæцы хатт баст вæййы рынчыны цардимæ», – загъта уый.
Президент сарæзта вакцинæ COVID-19 ныхмæ уæрæсейаг вакцинæ Спутник-V. Уый фæстæ та Бибылты Анатоли сарæзта коронавирусы ныхмæ вакцинæйы дыккаг компонет.
Comments are closed, but trackbacks and pingbacks are open.