Медицинон-социалон экспертизæ уадзынимæ баст фарстытыл уынаффæ цыд Уæрæсейы медицинон зонæдты академийы академик, профессор, медицинон зонæдты доктор, Уæрæсейы Федерацийы Æнæниздзинад хъахъхъæныны министрады ГБОУ ДПО «Фæсдипломон ахуырады Уæрæсейы медицинон академийы» гериатри æмæ медицинон-социалон экспертизæйы кафедрæйы сæргълæууæг Сергей Пузины фембæлды рæстæджы Хуссар Ирыстоны Æнæниздзинад хъахъхъæныны министр Григори Кулиджанов, Республикæйы президенты паддзахадон уынаффæгæнæг Сиукъаты Радион æмæ РХИ-йы медицинон системæйы кусджытимæ.
Хуссар Ирыстоны ‘рдыгæй фембæлды хайадисджытæ радзырдтой уæрæсейаг академикæн, медицинон-социалон экспертизæйы цæуыны рæстæджы адæм цы зындзинæдтыл æмбæлынц, уый фæдыл.
«Мах сымахимæ ахъуыды кæнын хъæуы, медицинон-социалон экспертизæйы рæс-тæджы кæд исты æнæразыдзинады цаутæ сæвзæры, уæд цы саразын хъæуы, ууыл. Уымæ гæсгæ практикон хуызы уынаффæ кæндзыстæм, цавæр фæндагыл нæ хъæуы ацæуын, хъуыды кæндзыстæм искæцы бæлвырд стандартыл», – загъта Пузин.
Сиукъаты Радион йæхи рады бацамыдта Хуссар Ирыстон æмæ Уæрæсейы Федерацийы æхсæн Æмцæдисад æмæ интеграцийы фæдыл бадзырды бæлвырд пунктмæ, цыран фыст ис, ома, Республикæйы цæрæг Уæрæсейы Федерацийы æмбæстæгтæн сæ бон у æмæ экпертизæйы рацæуой бынаты.
«Уæрæсейы территоримæ се ‘нæниздзинады аххосæй ацæуыны фадат кæмæн нæй, уыцы æмбæстæгтæн сæ бон у экспертизæйы рацæуой бынаты, сæ документтæ та сын айсдзысты, пенси сын кæм хъуамæ фидой, уыцы ран», – бæлвырдæй загъта Сиукъайы фырт.
Пузин ма йæхи ‘рдыгæй йæ ныхасмæ бафтыдта, зæ-гъгæ, ацы хъуыддагыл бакусинаг ис тынг бирæ.
«Сымахмæ бындурон документ ис, хъуамæ йæ райхалат æмæ бацæттæ кæнат æмбæлон документтæ, – загъта Пузин. Мах та уын алыгъуызы дæр баххуыс кæнынмæ цæттæ стæм уыцы куысты».
Пузин ма банысан кодта, зæгъгæ, уæрæсейаг фарсы ‘рдыгæй ис хуссарирыстойнаг районон сæйраг рынчындæт-ты разамонæг кусджыты ахуырмæ райсыны фадат.
«Сымахæн уæ бон у сæрмагонд фыстæджы хуызы нæм æрбахатат, цæмæй сын бацамонæм райдиан специализаци æмæ уый фæстæ уыдон суыдзысты дохтыр-эксперттæ», – банысан кодта Пузин.
Фембæлды рæстæджы медиктæ Пузинмæ радтой, цымыдис сæ чи кодта, ахæм фарстытæ.
Comments are closed, but trackbacks and pingbacks are open.