Хицауады Сæрдары фыццаг хæдивæг Джиоты Алан æмбырд ауагъта Паддзахадон æмæ муниципалон уагдæтты кусджыты нымæцы инвентаризацийы фарстаты фæдыл Кусæгон къордимæ. Уый куыд банысан кодта, афтæмæй 2022-2025 азтæн Хуссар Ирыстоны социалон-экономикон рæзтæн ахъазгæнæг паддзахадон программæйы тыххæй Уæрæсейы Федераци æмæ Республикæ Хуссар Ирыстоны ‘хсæн сразыдзинады нысан æрцыдысты паддзахадон æмæ муниципалон уагдæтты хицæн категориты кусджыты нымæцы кæройнаг нысæнттæ æмæ астæуккагмæйон куыстмыздты нысанмæздæхт нысаниуæг.
Йæ ныхæстæм гæсгæ, сразыдзинадыл къухтæ æрфыстой 2015 азы статистикæйы бæрæгуаты бæрæггæнæнты бындурыл, фæлæ ивгъуыд азты бирæ цыдæртæ фæивтой, фæзындысты ног паддзахадон æмæ муниципалон уагдæттæ. Уыцы уагдæтты кусджытæн æмфинанскæнынады бар ис сразыдзинады фæлгæтты куыстмызд фæфылдæр кæнынæн, фæивта уæды уагдæтты структурæ дæр.
«Нæ разы лæууæг хæслæвæртæй сæйрагдæр у æппæт паддзахадон æмæ муниципалон уагдæтты инвентаризаци ауадзын, УФ-йы Фæллой æмæ социалон хъахъхъæдады министрады коллегæтæн сбæрæггонд раст информаци раттын», – бамбарын кодта Джиоты Алан.
Президенты паддзахадон уынаффæгæнæг Тыбылты Зæринæ банысан кодта, зæгъгæ, ныртæккæ куыст цæуы Республикæ Хуссар Ирыстоны æнæниздзинад хъахъхъæныны системæйы хицæн категорийы кусджыты нымæцы инвентаризацийыл, медицинон æххуысы фæтк бахынцгæйæ.
«Социалон фадыджы медицинон æххуыс кæныны фæтк æмæ стандарттæ саразын хъæуы уæрæсейаг нормæтæм гæсгæ», – банысан кодта уый.
Æмбырды рæстæджы Кусæгон къорды уæнгтæн радтой конкретон хæслæвæрдтæ. Æнæниздзинад хъахъхъæныны профилон хайады сæргълæууæгæн бахæс кодтой, къуырийы æмгъуыдмæ Хуссар Ирыстонæн хъæуæг социалон кусджыты нымæцы тыххæй информаци радтын, афтæ ма æмбæлон нормативон акттæ саразын.
Джиоты Алан загъта, зæгъгæ, инвентаризацийы фæдыл фæстиуæгон бæрæггæнæнтæ хъуамæ арæзт æрцæуой Уæрæсейы Федерацийы кусджыты куысты бынæтты номенклатурæмæ гæсгæ.
Кусæгон къорды скондмæ бацыдысты: Президенты Паддзахадон уынаффæгæнæг Тыбылты Зæринæ, Президенты Паддзахадон-барадон управленийы сæргълæууæг Азæмæт Чамоков, Æнæниздзинад хъахъхъæнын æмæ социалон рæзты министрады фæллойы фадыджы (Паддзахадон инспекци) паддзахадон хъусдарды хайады сæргълæууæг Хæныкъаты Давид, Хицауады Аппараты информацион-аналитикон управленийы хистæр Дзудцаты Аллæ (Кусæгон къорды нымæрдар), Хицауады Аппараты информацион-аналитикон управленийы консультант Гæззаты Агуындæ, Финансты министрады Фæллой æмæ куыстмызды хайады хистæр Мæргъиты Томирис æмæ Æнæниздзинад хъахъхъæнын æмæ социалон рæзты министрады фæллойы фадыджы (Паддзахадон инспекци) паддзахадон хъусдарды хайады консультант Цхуырбаты Тамарæ.
Ацы æрмæджытæ дæр бакæс:
НЫХАС – СПОРТИВОН УАГДÆТТЫ КУЫСТ ФÆХУЫЗДÆР КÆНЫНЫЛ
Паддзахадон æххуыс – нысанмæздæхт мадзæлттæн
Бюджетон къабазы хицæн категориты кусджытæн фæфылдæр сты сæ куыстмыздтæ
Æруынаффæ кодтой РХИ æмæ УФ-йы ‘хсæн сразыдзинады сæххæст кæныны фарстытыл
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
