РХИ-йы Хицауады Сæрдар Пухаты Эрик ауагъта æнæрадон æмбырд, цы ран министрты кабинет æруынаффæ кодта иу фарстыл – «Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты паддзахадон æххуыс радтыны тыххæй инвестицион проекттæ равзарыны тыххæй».
Хицауады Сæрдары хæдивæг – Экономикон рæзты министр Бекъойты Геннади ралæууыд докладимæ, арæнгонд бæрндзинады æхсæнадтæ «Натурплант» æмæ «Винодельня Иронсан» республикæйы социалон-экономикон рæзтæн ахъазгæнæг Инвестицион программæйы фæлгæтты цы дыууæ проекты реализаци кæнынц, уыдонæн паддзахадон æххуыс бакæныны тыххæй. Арæнгонд бæрндзинады æхсæнад «Натурплант»-æн арæзтадон-монтажон куыстыты тыххæй паддзахадон æххуысы кæройнаг лимит уыдзæн 5719522,00 сомы, компани «Винодельня Иронсан»-æн хæрдзты иу хайы субсидийæн, кæцытæ баст сты зайæгойкуыстгæнæн фадыджы мадзæлттæ ауадзынæн паддзахадон æххуыс уыдзæн 2536335,50 сомы.
Паддзахадон æххуысы ацы хуыз æххæст цæуы, «Республикæ Хуссар Ирыстоны территорийыл реализаци чи цæуы, уыцы инвестицион проекттæн Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты паддзахадон æххуыс бакæныны мадзæлтты тыххæй» 2016 азы 16-æм октябры РХИ-йы Хицауады Уынаффæйы бындурыл.
Хицауады уæнгтæ æмхъæлæсæй рахæцыдысты ацы дыууæ компанийæн финансон фæрæзтæ рахицæн кæныны æвварс.
***
Хицауады æнæрадон рабадты министрты кабинет æркаст «Педагогон кусджыты кусæгон рæстæджы дæргъ-вæтиндзинады (куыстмызды ставкæйы педагогон куысты сахатты нормæты), педагогон кусджыты ахуырадон уаргъæвæрд, кæцы фыст ис куыстадон бадзырды æмæ тарифон ставкæ бæрзонддæргæнæн коэффициентты тыххæй» фарстмæ.
Докладимæ раныхас кодта Ахуырад æмæ зонады министр Гасситы Натали.
Йæ ныхæстæм гæсгæ, Уынаффæйы проекты нысан цæуы педагогон кусджыты куыстмызды ставкæйы тыххæй кусæгон рæстæджы дæргъвæтиндзинад. Уымæн æмæ уыдонæн фидар æрцыд къуырийы дæргъы 15 сахаты педагогон куысты нормæ, æмæ Уæрæсейы Федерацийы та ацы нормæ у 18 сахаты.
«Хицауады акты проект æркæсынмæ хаст æрцыд министрты кабинетмæ, педагогон кусджыты куыстмызды ставкæйæн педагогон куысты сахаттæ уæрæсейаг нормæты онг скæныны нысанæн», – бамбарын кодта министр.
Ацы проект æххæст цæуы Республикæ Хуссар Ирыстоны паддзахадон æмæ муниципалон уагдæтты куыстмызд УФ-йы фæрæзты хыгъдæй фæбæрзонддæр кæныны фæткы тыххæй УФ æмæ РХИ-йы ‘хсæн 2016 азы 5-æм декабры Сразыдзинадмæ гæсгæ. Хицауады уæнгтæ иууылдæр схъæлæс кодтой Уынаффæйы æрбавдисгæ проекты тыххæй.
Comments are closed, but trackbacks and pingbacks are open.