Хъæды хæдзарады цытджын кусджытæ!
Арфæ уын кæнын уæ профессионалон бæрæгбоны цытæн!
Æгæрон хъæдтæ сты Республикæ Хуссар Ирыстоны хъæздыгдзинад, тынг хорз экологи æмæ экономикон стабилондзинады нысан. Саргъгæнæн кæмæн нæй, нæ уыцы национ исбонæй аудгæйæ æмæ рационалонæй пайда кæнын у нæ бæстæйы алы цæрæджы хæс дæр.
Абон хъæды хæдзарад æмæ уыимæ баст фадгуытæ скъуыддзаг кæнынц бирæ цардуагон ахсджиаг фарстатæ. Ног садзæнты уавæртæй æмæ хъæд æнæзакъонæй цæгъдын æмæ дзы æнæрационалонæй спайда кæнынæй бахъахъхъæныныл баст у абон чи цæры æрмæст уыдоны нæ, фæлæ ма фидæны фæлтæрты фæрныгад дæр.
Уырны мæ, уæ зонындзинæдтæ, фæлтæрддзинад æмæ равзаргæ хъуыддагыл æнувыддзинад дарддæр дæр кæй ахъаз кæндзысты хæрзвадат экологион алфамбылай саразынæн.
Ацы нысаниуæгджын боны уын мæ зæрдæ зæгъы фидар æнæниздзинад æмæ æнтыстытæ нæ алфамбылай æрдзы сыгъдæгдзинад æмæ рæсугъддзинад бахъахъхъæныны хъуыддаджы!
Сабырдзинад æмæ хорздзинæдтæ сымахæн æмæ уæ бинонтæн!
РХИ-йы Президент ГАГЛОЙТЫ Алан
***
Арфæ – Санитарон-эпидемиологон службæйы кусæджы
боны цытæн
Зынаргъ хæлæрттæ!
Арфæ уын кæнын уæ профессионалон бæрæгбоны цытæн.
Профилактикон архайд у æппæт æнæниздзинад хъахъхъæныны бындур. Санитарон дохтыртæ æмæ эпидемиологтæ фервæзын кодтой бирæ адæмæн сæ цард, баххуыс кодтой алыгъуызон бактериалон, вирусон æмæ æндæр инфекциты парахат æруромынæн. Уæ профессийы уæлдай ахсджиагдзинад банкъардтам пандеми COVID-19 рæстæджы. Сымах, уæ цæрд æмæ æнæниздзинад тасы бын æвæргæйæ, ацы тæссаг низы ныхмæ фидар фæлæууыдыстут.
Сымах архайут æрмæст инфекцион низты профилæктикæйы нæ, фæлæ ма фæлхасгæнджыты бартæ хъахъхъæныны дæр. Уæ хъусдарды бын ис товарты, лæггæдты, куысты уавæрты, адæмы улæфыны æмæ цæрыны æмбæлон гъæд. Уæ профессионализм æмæ намысджын ахастыл бирæ бæрцæй æххуыс сты РХИ-йы æмбæстæгты фæрныгадæн.
Бузныг уын уæ профессийыл æнувыддзинад æмæ зын куысты тыххæй.
Ныфс мæ ис, сымах дарддæр дæр кадимæ кæй æххæст кæндзыстут уæ хæстæ, уыдзыстут дарддæр дæр фидар æмæ æнгом командæ.
Ацы нысаниуæгджын боны уын мæ зæрдæ зæгъы фидар æнæниздзинад, æвидийгæ энерги, ног фæллойадон æнтыстытæ, сабырад, хорздзинад æмæ фæрныгад сымахæн æмæ уæ бинонтæн дæр!
РХИ-йы Президент Гаглойты Алан
