Уӕрӕсемӕ – ахуыр кæнынмæ

Уæрæсейы Федерацийы Мид­хъуыд­дæгты министрады уæл­дæр ахуыргæнæндæттæм ацы аз кæй фæнды ацæуын нæ рес­публикæйæ, уыдонæн сæ бон у бадæттын  сæ  куырдиæттæ æмæ до­ку­менттæ 10 апрелæй 22 апрелмӕ. Бацæуын хъæуы Мидхъуыддæгты министрады рæнхъон скондимӕ куысты фæдыл управленимæ ахӕм адресыл – горӕт Цхинвал, Хе­тӕг­каты Къостайы уынг, 5.

Ацы аз Уӕрӕсейы Феде­рацийы уӕлдӕр ахуыр­гӕнӕн­дӕттӕм арвитдзысты ӕрмӕс­тдӕр иу дӕсныйадӕй – «Пра­вовое обеспечение наци­ональ­ной безопасности» В.В.Лукья­новы номыл Орловы юридикон           инс­титутмӕ, Краснодары мид­хъуыд­дӕгты университетмӕ, Ростовы юридикон институтмӕ ӕмӕ ма ацы аз фыццаг хатт бынӕттӕ радта Санкт-Петербурджы университет дӕр.

Ахуырмӕ исынц, 16 азӕй 24 азмӕ кӕуыл цӕуы, ахӕмты. Кан­ди­дат хъуамӕ дзуапп дӕтта ӕмбӕлон домӕнтӕн, уа йӕм астӕуккаг ахуырад, йе ‘нӕниздзинад ма цуда. Уый фӕстӕ рацӕудзӕн професионалон-психологон цӕттӕ­дзинад ӕмӕ ратдзӕн норма­тивтӕ физикон цӕттӕ­дзина­дӕй. Уыдзӕн сын фӕл­варӕн­тӕ уырыссаг ӕвзагӕй, ис­тори­йӕ ӕмӕ ӕхсӕна­дзонынадӕй.

Ӕнтыстджынӕй чи радта фӕ­л­варӕнтӕ, уыдоны бахӕс­дзыс­ты мидхъуыддӕгты ми­нис­­трады рӕнхъон сконды хы­гъ­­дмӕ ӕмӕ сын ратдзысты сӕр­магонд нӕмттӕ. Ифтонг ӕр­цӕудзысты хӕлцӕй, уӕ­лӕ­дарӕсӕй ӕмӕ цӕрӕну­атӕй. Ахуыр фӕуыны фӕстӕ сӕ службӕ адарддӕр кӕн­дзыс­ты барадхъахъ­хъӕ­нӕг органты.

ДЖИОТЫ Алыксандр

Ацы æрмæджытæ дæр бакæс:

ЦÆУЫНЦ УАЛ ПСИХО-ДИАГНОСТИКОН БАСГÆРСТ УÆРÆСЕМÆ ÆВИ – НÆХИ УНИВЕРСИТЕТМÆ РАДТОЙ УАЛ ФЫЦЦАГ ФÆЛВАРÆН Цæмæн у ахсджиаг сывæллонæн цалдæр хатты чингуытæ кæсын Дистанцион ахуыры хъуагдзинæдтæ