Налцыччы уагъд æрцыд, 20 азы онг кæуыл цæуы, уыцы спортсменты ‘хсæн Цæгат Кавказы Федералон зылды чемпионат стъолы теннисæй. Уым Цæгат Ирыстон-Аланийы чызджыты командæйы сконды архайдтой Цхуырбаты Иринæ, Майя Касрадзе æмæ Тедеты Алинæ. Лæппуты æмбырдгонды сконды та уыдысты Хаситы Богдан æмæ Балдан Дашиев. Дыууæ командæйæн дæр бантыст æртыккаг бынæттæ бацахсын. Спортсменты тренертæ сты Джиоты Мириан æмæ Уалыты Иринæ. Джиоты Мириан ма бузныг загъта Кокойты Амандæ, Кæсойты Изетæ æмæ Ларисæ, афтæ ма Максим Ведмедярайæн, спортсменты ерыстæм бацæттæ кæнынæн кæй баххуыс кодтой, уый тыххæй.
ХУРИТЫ Батрадз
