Республикæ Хуссар Ирыстоны Хицауады Сæрдары хæдивæг – Экономикон рæзты министр Бекъойты Геннади хайад райста Паддзахадон статистикæйы управленийы рабадты, кæцыйы рæстæджы байхъуыстой 2019 азы архайды фæстиуджыты тыххæй хыгъдмæ.
Управленийы хистæр Тыбылты Инал йæ доклады куыд банысан кодта, афтæмæй, хыгъдон рæстæджы статистикæйы республикон службæйы кусджытæ куыстой республикæйы экономикон, социалон, экологон æмæ демографион уавæры тыххæй официалон статистикон информаци æрæмбырд кæнын æмæ саразыныл, афтæ ма районты профилон фадыджы æххæст кодтой цæстдарæн функцитæ.
Тыбылты Иналы ныхæстæм гæсгæ, кæронбæттæн бæрæггæнæнтæ хаст æрцæудзысты статистикæйы æмбырдгондмæ ацы азы марты мæйы.
Æрбавдисгæ информацимæ гæсгæ, ивгъуыд азы Управленийы регистраци æрцыд 341 куыстуаты æмæ организацийы, кæцытæй 75 сты зæххкусæгон-фермерон хæдзарадтæ.
Демографийы фарстатыл дзургæйæ, Управленийы къухдариуæгад банысан кодта, зæгъгæ, статистикон бæрæггæнæнтæм гæсгæ, 2015 азæй республикæйы цæрджыты нымæц фæфылдæр ис 3 мин адæймаджы онг.
«Ахæм информаци æнæмæнгхъæуæг у хицауады органтæн, цæмæй фæхуыздæр уа хъалонон, таможнæйон, инвестицион политикæ, экономикæйы фадыджы фæткдаруатон уынаффæтæ райсынæн», – загъта Тыбылты Инал.
Сæйраг проблемæты ‘хсæн, кæцытыл сæмбæлынц Управленийы кусджытæ, Тыбылты Инал скодта куыстуæтты æмæ организациты хыгъдон дисциплинæйы кой, кæцытæ арæх фехалынц хыгъдон бæрæггæнæнтæ æмгъуыдмæ радтыны хъуыддаг.
Бекъойты Геннади банысан кодта, зæгъгæ, æнæмæнгхъæуæг у ахæм амæлттæ ссарын, цæмæй контроль цæуа бæрнджын адæймæгтыл, æмæ фæндон бахаста проблемон фарстыл хъалонон службæйы къухдариуæгадимæ коллегиалонæй æруынаффæ кæнын.
«Статистикон бæрæггæнæнты æмбырдгонд мыхуыры рацæудзæн æрæгмæ, марты мæйы, кæцы хъыгдары хицауады. Æнæмæнгхъæуæг у куыстуæтты æмæ организациты къухдариуæггæнджытæн бахæс кæнын, цæмæй-иу Управленимæ бæрæггæнæнтæ бавдисой январы мæйы», – загъта вице-премьер.
Comments are closed, but trackbacks and pingbacks are open.