Республикæ Хуссар Ирыстоны Президент Бибылты Анатоли хайад райста РХИ-йы Паддзахадон æдасдзинады комитеты хыгъдон коллегийы.
Паддзахадон æдасдзинады комитеты коллегийы куысты хайад райстой Æдасдзинады Советы секретарь Уалыты Валери, РХИ-йы Уæрæсейы Æдасдзинады федералон службæйы органты официалон минæвар Степан Дроздов, РХИ-йы Æдасдзинады федералон службæйы Арæнгæрон управленийы хистæр Владимир Щемелинин, Генералон прокурор Дзæгъиаты Уырызмæг, Мидхъуыддæгты министр Наниты Игорь, Æддагон развæдсгæрсты службæйы къухдариуæггæнæг Уарзиаты Алексей æмæ Хъахъхъæнынады паддзахадон службæйы хистæры хæстæ рæстæгмæ æххæстгæнæг Жажиты Таймураз.
2019 азы ведомствойы оперативон-службæйон архайды фæстиуджыты тыххæй хыгъд æрбавдыста Æдасдзинады паддзахадон комитеты сæрдар, инæлар-майор Олег Ширан.
Президент банысан кодта комитеты егъау бæрндзинад РХИ-йы Æдасдзинад сифтонг кæныны хъуыддаджы æмæ РХИ-йы æппæт тыхон структурæтимæ æнгом æмархайды æнæмæнгхъæуындзинад.
Бибылты Анатоли ма банысан кодта комитеты кусджытæн фыццаградон хæстæ, кæцыты æххæст кæнынад дзуапп кæны Хуссар Ирыстоны интерестæн.
Comments are closed, but trackbacks and pingbacks are open.