РЕСПУБЛИКÆ ХУССАР ИРЫСТОНЫ ХИЦАУАДЫ УЫНАФФÆ

Республикæ Хуссар Ирыстоны санитарон-эпидемиологон æдасдзинад сифтонг кæныны фæдыл  иууыл ахсджиагдæр æмæ уæлæмхас куыстытæ кæныны  сæраппонд Фæлхасгæнджыты бартæ хъахъхъæнын æмæ адæймаджы фæрныгад хъахъхъæныны фадыджы хъусдарды комитеты æмæ «Гигиенæ æмæ эпидемиологийы центры» кусджытæн разæнгардгæнæн мидисы бафыстытæ снысан кæныны тыххæй.

Иууыл ахсджиагдæр æмæ уæлæмхас куыстытæ æххæст кæныны  сæраппонд разæнгардгæнæн мидисы бафыстытæ снысан кæныны нысанæн медицинон æмæ æндæр кусджытæн, кæцытæ хайад исынц коронавирусон инфекци COVID-19 бахæцынæй тасдзинады къорды уæвæг æмбæстæгтæн æмæ кæуыл бахæцыд, уыдонæн æххуыс кæныны хъуыддаджы Республикæ Хуссар Ирыстоны Хицауад уынаффæ кæны:

1.  2020 азы 1 апрелæй 30 июны онг нысан æрцæуæд разæнгардгæнæн мидисы бафыстытæ Республикæ Хуссар Ирыстоны санитарон-эпидемиологон æдасдзинад  сифтонг кæныны фæдыл иууыл вазыгджындæр куыстытæ чи æххæст кæныны æмæ  цы бынаты кусы æмæ цы рæстæг бакуыста, уымæ гæсгæ.

 а) медицинон æмæ æндæр кусджытæн, кæцытæ æххæст кæнынц лабораторон иртасæнтæ, вирусхæсджытæ кæнæ  коронавирусон инфекци COVID-19 кæуыл уыд, уыдонимæ контакт кæмæн уыд, уыцы адæймæгты диагностикæ;

– дохтыртæн – бон 1000 сомы;

– астæуккаг æмæ кæстæр медперсоналæн – бон 500 сомы;

б) коронавирусон инфекци COVID-19 апарахат кæныны тасдзинадæй бафæдзæхсын, аиуварс æй кæнын æмæ ликвидаци кæныны хайад чи исы, уыцы медицинон æмæ æндæр кусджытæн.

– дезинфектортæн – 500 сомы, инфекцийы артдзæстытæ кæнæ фæстаг дезинфекци кæй аразынц, уый тыххæй;

-цæугæ бригадæтæн (дыууæ бригадæйы 2-гай адæймæгтимæ), кæцытæ æххæст кæнынц санитарон эпидемийы ныхмæ мадзæлттæ коронавирусон инфекци COVID-19 Республикæ Хуссар Ирыстонмæ æрбахæссын æмæ апарахат кæнынæй бафæдзæхсыны фæдыл куыстытæ, иу адæймагæн  – 1000 сомы иу бон радгæс уæвыны тыххæй;

– æндæр кусджытæн (шофыртæ æмæ специалисттæн) коронавирусон инфекци COVID-19 Республикæ Хуссар Ирыстонмæ æрбахæссын æмæ апарахат кæнынæй бафæдзæхсыны фæдыл уæлæмхас куысты тыххæй бон – 500 сомы, фæлæ мæй 10000 сомæй фылдæр нæ.

2. Уæлдæр банысангонд бафыстыты финансон ифтонгады ратæдзæн сбæрæг кæнæд Республикæ Хуссар Ирыстоны Хицауады резервон фонды бюджетон ассигнациты.

Республикæ Хуссар Ирыстоны Хицауады

Сæрдар ПУХАТЫ Эрик

г. Цхинвал,

2020 азы 5 июнь

РЕСПУБЛИКÆ ХУССАР ИРЫСТОНЫ ХИЦАУАДЫ УЫНАФФÆ

Иууыл ахсджиагдæр æмæ уæлæмхас куыстытæ кæныны  сæраппонд разæнгардгæнæн мидисы бафыстытæ снысан кæныны тыххæй медицинон æмæ æндæр кусджытæн, кæцытæ хайад исынц, æмбæстæгтæн коронавирусон инфекци COVID-19 ма апарахат кæныны тæссагдзинадæй бахъахъхъæныны хъуыддаджы.

Иууыл ахсджиагдæр æмæ уæлæмхас куыстытæ кæныны  сæраппонд разæнгардгæнæн мидисы бафыстытæ снысан кæныны нысанæн меди-цинон æмæ æндæр кусджытæн, кæцытæ хайад исынц низ бахæцынæй тасдзинады къорды уæвæг æмбæстæгтæн æмæ коронавирусон инфекци COVID-19 кæуыл бахæцыд, уыдонæн æххуыс кæныны хъуыддаджы Республикæ Хуссар Ирыстоны Хицауад уынаффæ кæны:

1. Нысан æрцæуæд разæнгардгæнæн мидисы бафыстытæ медицинон æмæ æндæр кусджытæн, кæцытæ хайад исынц æмбæстæгтæн коронавирусон инфекци COVID-19 ма апарахат кæныны тæссагдзинадæй бахъахъхъæныны хъуыддаджы, кæцытæ æххæст кæнынц биоæрмæг исыны, медицинон эвакуаци, дезинфекцион мадзæлттæ, хæлц хæссынæй ифтонг кæныны, электро  æмæ донифтонгады системæ цалцæг кæныны, брæтты утилизацийы куыстытæ, афтæ ма æмбæстæгтæн медицинон æххуыс æмæ сæм изоляцийы медицинон хъусдард дарыны, æмбæстæгтæм коронавирусон инфекци COVID-19 сбæрæг кæныны куыстытæ, цы бынаты кусы, цы рæстæг бакуыста, уымæ гæсгæ:

а) 2020 азы 14 апрелæй 30 июны онг æмгъуыд изоляцийы уæвæг: дохтыртæн æмæ астæуккаг медицинон персоналæн – суткæ  2000 сомы, фæлæ мæй 30000 сомæй фылдæр нæ, кæстæр медицинон персоналæн –  суткæ 1200 сомы, фæлæ мæй 25000 сомæй фылдæр нæ;

б) æмбæстæгтæн коронавирусон инфекци COVID-19  сбæрæг кæнынæн баххуыс кæныны тыххæй 2020 азы 6 майæ 30 июны онг æмгъуыд изоляцийы уæвæг: дохтыртæн – суткæ 3000 сомы, фæлæ мæй 50000 сомæй фылдæр нæ,  астæуккаг медицинон персоналæн – суткæ  2500 сомы, фæлæ мæй 40000  сомæй фылдæр нæ, кæстæр медицинон персоналæн –  суткæ 1500 сомы, фæлæ мæй 30000 сомæй фылдæр нæ;

в) иухаттон æххуыс чи бакодта (эвакуаци, консультаци, биоæрмæг исын, дезинфекцион мадзæлттæ, хæлц хæссын, электро  æмæ донифтонгады системæ цалцæг кæнын, брæтты утилизаци):

– изоляцийы уæвæг æмбæстæгтимæ баст, 14 апрелæй 30 июны онг æмгъуыд изоляцийы уæвæг: дохтыртæн – мæй 500 сомы иухаттон æххуысы тыххæй, фæлæ мæй 10000 сомæй фылдæр нæ, астæуккаг, кæстæр медицинон æмæ хæдзарадон персоналæн – суткæ  300 сомы иухаттон æххуысы тыххæй, фæлæ мæй 15000 сомæй фылдæр нæ, кæстæр медицинон персоналæн –  суткæ 1500 сомы, фæлæ мæй 30000 сомæй фылдæр нæ;

– изоляцийы уæвæг  пациенттимæ баст, 2020 азы 6 майæ 30 июны онг æмгъуыд изоляцийы уæвæг: дохтыртæн – мæй 750 сомы иухаттон æххуысы тыххæй, фæлæ мæй 14000 сомæй фылдæр нæйы,  астæуккаг, кæстæр медицинон æмæ хæдзарадон персоналæн – суткæ 500 сомы иухаттон æххуысы тыххæй, фæлæ мæй 15000 мин сомæй фылдæр нæ, кæстæр медицинон персоналæн – суткæ 1500 сомы, фæлæ мæй 20000 сомæй фылдæр нæ.

2. Уæлдæр банысангонд бафыстыты финансон ифтонгады ратæдзæн сбæрæг кæнæд Республикæ Хуссар Ирыстоны Хицауады резервон фонды бюджетон ассигнациты.

3. Персоналон бæрндзинад æвæрд æрцæуæд медицинон организациты къухдариуæггæнджытыл, сæ дæлбар куыстуæтты медицинон æмæ æндæр кусджытæ фактон æгъдауæй цас рæстæг бакуыстой, уый фæдыл раст бæлвырдгæнæнты тыххæй.

4. Ацы Уынаффæ æххæст кæныныл контроль кæнын бакондæуæд Республикæ Хуссар Ирыстоны Æнæниздзинад хъахъхъæнын æмæ социалон рæзты министрады бæрны (Тотчиты Г.Ф.).

 Республикæ Хуссар Ирыстоны Хицауады

Сæрдар ПУХАТЫ Эрик

г. Цхинвал, 2020 азы 5 июнь