РХИ-йы Президент Бибылты Анатоли 14-аздзыд Джиоты Кристинæйæн балæвар кодта инвалидон коляскæ. Уый рынчын у сывæллæтты церебралон æндзыгнизæй.

Паддзахады сæргълæууæгмæ коляскæ балхæныны куырдиатимæ бахатыд сывæллоны ныййарæг Сабанты Ингæ. Коляскæ æлхæд æрцыд хуссарирыстойнаг хæрзаудæн фонд «Аланийы иудзинады»-ы æхцайы фæрæзтæй.

Президент бабæрæг кодта Джиоты бинонты æмæ бацымыдис кодта, Кристинæйæн йе ‘нæниздзинад куыд у, уымæ.

«Фылдæр хатт, хæдзармæ æнæзонгæ адæймаг куы æрбацæуы, уæд æй зынтæй фæразы, фæлæ ма йæм ныр бакæсут, куыд цин кæны. 14 азы дæргъы нын ничи баххуыс кодта. Никæйы цымыдис кодта нæ проблемæ дæу йеддæмæ, Анатоли Ильяйы фырт. Стыр бузныг!» – загъта Сабанты Ингæ.

Паддзахады сæргълæууæг, йæ рады банысан кодта, дарддæр дæр ацы бинонтæн кæй æххуыс кæндзæн.

Банысан кæнын хъæуы уый, æмæ хæрзаудæн фонд «Аланийы иудзинад»-ы иунæг бындурæвæрæг кæй у Бибылты Анатоли. Фонды исады сæйраг аразджытæ сты фонды бындурæвæрæджы уæнгон фиддонтæ, хæрзаудæн æххуысты фæрæзтæ, гранттæ æмæ бархионты архайд.

Фонд баххуыс кодта 40-æй фылдæр æмбæстаг æмæ организацийæн.

Ацы æрмæджытæ дæр бакæс:

Йæ царды нысан ссис адæмæн хорздзинад аразын Инвалидон коляскæтæ – Президентæй Хæссы сæрыстырæй ахуыргæнæджы кадджын ном Инвалидон коляскæ – фондзаздзыд Георгийæн Æмбæстæгты радон химæрайст

Comments are closed, but trackbacks and pingbacks are open.